[خديجة السويدي]

[frame="1 80"]

شفت ليومْ
قَلْبْ خْرِجْ مَا بِينْ الصْدْورْ
وُمْشَى يِتْسَارَ مَا بِينْ القْلُوبْ
حامل عروقُ على كْتافُ
وناوي على العداوة
حلف بحلوفُ حتى يْفوتُ
ويحكم في بْلاصتُ
على مصير إنسان
ضْعيف
بلجام من حرير
وسرج من حديد
حيث وقف لو في الطريق
حجرة عالية بالحكمة
ثقيلة بالرزانة
ما تزعزعهَ كلمة حلوة
ولا تبسيمَ صفرة مذهبة
حرض عليه القلوب الغاوية
باش تلوح في الثِلْثْ الخالي
شفاية لعديان وعبرة للطغيان
قال القلب لعقل:
أنا نسوك هاذ الإنسان
بكلمة وحدة مكونة من جوج حروف
طيح الزرزور من فوق الصور
ويطر بنادم بلا جنحين فوق الغيوم
تْعيشُ نهار زوين
وتنسيه لهموم
أش بغى بيك ونت نقمة
ديما شاد طرق وحدة
غادي غي نيشان
ما تعرف تخرج على طريق
ولا تحركْ ضُو
قال لو لعقل:
سير نعس
واش هداك وجهك ولا قفاك
شحال من خشبة قلبت
وشحال من إنسان ضيعت
وشحال من قلب جرحت
وفي الهاوية طيحتِ
سير نعس
سير نعس
وقتك فات
فات

[/frame]