تحياتي ومحبتي لكم جميعا في هذه الجلسة الجميلة , افتكرت نفسي أنا الوحيدة اللي بدي النارجيلة
فوجدت الأحبة كلهم يريدوا النارجيلة . الحق معك عزيزتي الغالية الأستاذة هدى النارجيلة بالتبغ
العجمي هو أنظف وأطيب , ولكن شو بدنا نقول تعودنا على المعسل المضر , بكل أنواعه ونكهاته .
ومازلت مستعدة للعب البرجيس معك . أما الشطرنج فلا أعرفه نهائيا , بدك تدوري على لاعب
شريك عزيزتي أستاذة ميساء .
انبسطت بلحاق كنان بنا على مقهى أبو الشوق , ومثل ماقال كمان كتير حلو نسمع أم كلثوم ,
مثلا بأغنية " ذكريات " بس أنا كتير حابه حدا تاني يجي يشاركنا بهالجلسة , بتعرفوا مين ؟؟
ابن حيفا الأستاذ الغالي طلعت , هو فقط دعا للجلسة , وماعاد بين علينا . ممكن أن نسمع منه
قصيدة من قصائده بصوته الرائع . نحن بالانتظار .
كأنه العزيز الأستاذ عبدالله الخطيب يجيد الدبكة , فيجب أن تعلمنا أنا والأستاذة هدى والأستاذة
ميساء ومن يحب , الدبكة . ويلا قوموا على الدبكة (ياظريف الطول ويابو الميجانا, يابو العيون
السود شو بحبك أنا) ......
أرجو منكم جميعا أن نتواجد في يوم من أيام العيد في مقهى أبو الشوق حتى نعيد على بعض
ونقضي يوما جميلا هناك .
لكم جميعا كل المودة .