[المصطفى حرموش]

[read]عْييتْ نْجَبًرْ جْبيرة الخاطَرْ،
لَعْـــظَم رْشى..
لعْمـــر مْشى..
الكــــبير ف ولادي داسَرْ...!
عييت نْسلًك ف لـــيام،
السوايــــع بــــدالة..
لوقــــات بهـــدالة..
اليـــوم ف عـــمري ب ألـــف عــــام...!
عييت نخــــيط الــــرقـــاعْ،
الجــــيوب كـــاشفة..
لخــــراقي زاعـــفة..
زهري حــاتلْ ف الـــقــــاع...!
عييت نْــــوَسًدْ لــــهموم،
نْـــكَحل بالعــــمى..
نمسح وجه السما..
بدموع المظلوم...!
عييت نْصَبًرْ الصبر،
يجرحني لْكلام..
نْكَمًمْ الفًــــــامْ..
لكن الصبر يَدْبـَــرْ...!
عييت نسمع لمعاني،
نْديــــرْ راسي طْـــرَشْ..
لَمْلَسْ نْـــُردٌ حْــــرَشْ..
ونكول آش جَـــــاني...!
عييت نْصْبغ الضحــــكة،
هذه صفـــرة...
هذه خضــــرة....
نتسنى إمتى نْسَـــلْ الشوكة...!



شرح المفردات :
عييت : تعبت
نْجَبر: ترميم الكسور
داسر : شقي
نسلك: أقضي
السوايع بدالة : ج ساعة بدالة أي تتغير باستمرار
حاتل ف القاع : الحثالة في قاع البئر
لملس : الأملس
حرش : خشن
نكول آش جاني : آكل نصيبي
نسل الشوكة : أزيل شوكة الأذى
[/read]