|
الزمان المقلوب
هذا زمان لعجب والسليخ
الخاسرف طبعو ردوه امليح
كثروا فيه لمديح
نصيبو ف الكفاءة اقدر اصحيح
الداخل سوق راسو
عندهم شحيح ، منطيح!
العقوبة على راسو الطيح
الشفار ميزانو اصحيح
المعقول امشى ازمانو
اعليه نبكي بصوت عال ونصيح
القاتل دافعوا اعليه افلوسو
قالوا مسكين مريض
والمقتول حقو التدفن معاه
تحت الثراب وكتبوا عليه
المرحوم بخط اعريض
انت اللي كلامك افصيح واصريح
ما سمعوه ودنين الداه الريح
قالوا اعليك اقبيح
باكذوبهم خلاوا ادموعك اتسيح
تمشي بجنب الحيط حاني الراس
ركبوا فيك الوسواس
قالوا عليك اهبيل
كثيروا الأقاويل
بينهم اصبحت معزول
كلامك ما هو مقبول
وذاك المنافق الخاوي
هو اللي ديما داوي
كلاموا مقبول وساوي
ف يدو موس يجرح ما ايداوي
ارفاقتو كلها ابلاوي
افضايحو ما اتسالي
إيغطيوا اعليه حتى حد ما ايبالي
عندهم عزيز أو غالي
كلامو واخا كلو اكذوب
امصدقينوا
وانت المغلوب
اتقول اللي اتقول
كلشي اعليك مقلوب
إيذبحوك بالموس
كلامك لفصيح مسوس.
نور الأدب (تعليقات الفيسبوك)
|