[فتيحة الدرابي]

سبني أقول

سبني أقول

كان عندك إستعداد تقول
كان عندي استعداد أكمل
شيء مشترك حسيتو بينا
في الإتجاه وف الميول
شيء كان بيدعو للذهول

وتر مقطوع سمعتو غنى
على ورد فتح في الخريف
معرفش إيه معنى الفصول

وسمعت وشوشة الشجر
وكلامه عنا
كل الطيور حتى الخيول
كان فيه فضول
وسؤال على لسان القمر
ممكن نكمل
الكل في عيونو سؤال
عمال يجول

من غير ما أفكر أو أعلل
من غير سبب
كان فيه ابتسامة
رسمت علامة قالوا
زمان عنها الرضا
ودي من علامات القبول

كان صوت خجول
وتمتمة وهمهمة
ولا حد سامع إيه بقول

وإن جينا لكتاب الكسوف
صفحة خجل بتاريخ
قديم مالوش أجل
فكلام كتير شرحو يطول

بعدين نعيد بعدين نقول
أو يحكي بلسانا الزمان
حكايتنا دي متكررة
منذ الأذل

أنا بفتكر دلوقتي
لما قولتلي إنك بترسم
قولتلك بصرة
بحب الشخبطة
برسم حياة مترتبة
وسعات كتير متلخبطة
أصل الفرح لحظات تزول
وسط السنين المحبطة

وقولتلي تحبي واحد فوضوي
معزول عن الناس منطوي
ورجعت تاني للسكات
من خوف
على باب القلب فات
من بحة الحلق الرهينة
في صوت حزين مليان آهات

كان باب ما بينا واتقفل
مين فينا عن حبو غفل
مين كان على إيدين اللقا
عمال يبوس
مين فينا للترحال كفل
مين فينا صحى
في العيون مليون كابوس
دا الحلم كان نجم وأفل
مين ع السنين مشي يدوس
مين اللي بالغدر احتفل
سكتت ليه خايف تقول
طب سبني أقول..

قولي يا عزة عامر قولي " كما نقول في المغرب : عندك ما تقولي" استمتعت بزجلية رائعة تابعي عزيزتي .