دارت القهوة ... اميمة الخليل
الكلمات
دارت القهوة....وعمين بدها تدور....
دارت عليي....وفنجاني مكسور....
دارت عليي....وفنجاني مكسور....
دارت القهوة....ودارت الأيام....
لا القلب يهدا....ولا العيون تنام....
دارت القهوة....ودارت الأيام....
لا القلب يهدا....ولا العيون تنام....
بيقولولي اصبر..قلتلهم حرام....
شو جنى أيوب..يوم قالولو اصبر....
دارت القهوة....وعمين بدها تدور....
دارت عليي....وفنجاني مكسور....
دارت عليي....وفنجاني مكسور....
دارت القهوة....دارت ع الغريب....
دارت ع الأحباب....وماعندي حبيب....
دارت القهوة....دارت ع الغريب....
دارت ع الأحباب....وماعندي حبيب....
يا حبيبي ال غاب..هالدنيا نصيب....
بيبرم الدولاب..وحظي ما بيدور....
دارت القهوة....وعمين بدها تدور....
دارت عليي....وفنجاني مكسور....
دارت عليي....وفنجاني مكسور....
شو رأيك يا ابن البلد
هيدي كلماتها شايف ما أروعها
خليني أحكي لك قصتها
أولا أنا بعرف اميمة من ايام لبنان يعني من الثمانينات
ولكن السنة كل شيء غير
لما نزلت السنة على عمان ذهبت انا وزوجي برفقة عدد من الأصدقاء
الى مطعم لن أذكر اسمه تحاشيا ً للدعاية ولكن ان اردته ارسله لك برسالة
هذا المطعم كان ملتقى للادباء الفلسطينين وكان صغير لكن مشهور ومهم
العام اصبح مطعم لكن ذو طابع فلسطيني من اول ما تطأ أقدامك عتبته
تشعر انك في فلسطين العتيقة
فلسطين الزيتون والزعتر واريج البرتقال وشذى الليمون
بتشم رائحة تراب فلسطين منه
كل شيء فيه انصبغ بالطابع الفلسطيني القديم التراث يعني
مكان هاديْ وجميل ورواده كلهم من طبقة المثقفين
المطعم فيه مكتبة جميلة ومتحف صغير
وطبعا هناك فرقة موسيقية ودي جي في فترات عدم تواجد الفرقة
الغناء كله فلسطيني مثل فرقة العاشقين او مارسيل
او اميمة وكان من ضمن الأغاني دارت القهوة
طبعا انا نزلت واشتريت ال سي دي واحضرته معي وهو موجود
بالمسجل بسمعه كل يوم مع فنجان القهوة ومع سي دي لميادة بسيليس
وحدي بلا رفيق اللي وضعت كلماتها في بوح خريفي
زرت المطعم اكثر من مرة لاني كنت اريد ان استنشق
هواء فلسطيني بحت قبل السفر ... كنت اريد تعبئة رئتي بهذا الهواء
اللي انحرمت منه فترة من الزمن
لكن بعد ما تلقينا نبأ وفاة محمود درويش هناك في عمان
شعرت بكآبة فظيعة لأني خسرت ليس انسان او شاعر فقط بل فترة زمنية
طويلة من عمري كان محمود درويش يحتل صفحاتها
شعرت بوفاته اني فقدت الخيط اللي بيوصلني بالداخل
وهلأ من جديد عم احاول يا ابن البلد ان اخرج من كآبتي
وارجع للأهل في غزة لأني ما بقدر ابعد عنهم
شفت يا ابن البلد فنجانك القهوة شو عمل في وقديه خلاني
أحكي وأفضفض ومع كل هذا يؤسفني اني اخبرك انه
بعد ما نخلص شرب القهوة راح أحذف فنجانك ليش؟؟؟؟؟؟؟؟؟
لأنه الأدارة مانعة الصور وانا ورشيد شغالين على الحذف
علشان المنتدى صار بطيء وكتير من الأعضاء والأحبة في سوريا
ما عم يتمكنوا يفوتوا ولا يتواصلوا
ابن البلد شكرا على القهوة وعلى دارت القهوة
وسألتني قريبتي في يوم ليش بتشربي القهوة بهذا الفنجان المكسور ؟
قلت الها ببساطة بحبه !
ههههههههههههههههههههه
ضل فوت ابن البلد وفضفض وانا بشكرك على هذه المساحة من البوح