[سيد يوسف مرسي]

اقتباس   المشاركة الأصلية كتبت بواسطة عزة عامر خلي زكية ف حلها شوية لسه هيطلعلها شنبات ما الاسكندر لف الدنيا كانت وقفت ع الستات لا تعيب على عمة وشال يعلم ربك بالنيات خلي زكية تجرب يمكن تفهم يوم إنها فتكات يمكن ترجع من أحلامها وتتعلم منها الحكايات دي المضروبة تملي في راسها دي المفطومة على اللكمات خلي الدنيا شوية تدوسها هو قانون الدنيا حالات لازم تتعرض وتجازف لازم تتطحنها الصدمات وقالوا زمان روح ما هتتعلم غير لما الضرب يسيب علامات

عزة يا أختي ليك مقدار
والشكر كبيرة بالقنطار
أما زكية صبحت داهية
بركان فاير وقايد نار
لما نسيبها تبقى مصيبة
تخرب بيتها وألف ديار
عمال ترقص فيها يا أختي
وباتت خالتي عاشقة دولار
أحكي معاها أفهم فيها
راسها غليضة عايزه عيار
سابت الطرحة وكشفت راسها
ولبست جنز وتقلي وقار
وضاعت الحرمة بسبب الموضة
وركبت مركب فيه تجار
قلنا بلاشي يا بنت بلادي
أحنا أساساً أهل وقار
نخشى العيبة ونخاف منها
كيف نقلد أهل النار ؟
أتاري خالتنا فيها كورنا
جاتها العدوة ف ساعة نهار
وراحت ترقص تهز اردافها
وتعلن حرب على الأشرار
ورحنا نشرح على السبورة
أمكن خالتي تبقى منار
صكينا رسايل لأهل الجيهه
وطلبنا النجدة تطفي النار
وأدينا صابرين ولسه نجاهد
جايز ربك يهدي زكية
وتعود تاني وتبقى فنار
مع تحياتي وتقديري للأستاذة عزة عامر ووافر شكري وتحيتي لك بحجم السماء