[ميساء البشيتي]

العزيزة سلوى

المعذرة منك فأنا لم ألحظ تغيبك وهذا بسبب ارتفاع حالة الغياب بالمنتدى

يا سلوى احنا ما بننسى حدا وكل واحد فات هالركن صار واحد منا

وانت صاحبة البيت انت اللي بتفقدي الغياب وبتنادي على الغياب

ما حدا نسيك ولا حدا راح ينساك

وصدقيني يا سلوى والكلام للجميع انا فاتحة هذه الصفحة بحسكم والكم

والا انا الآم المرض هدتني وانت بتعرفي كويس واني ايام ما بكون شايفة

من الشاشة ولا حرف ولا بقدر اقعد حتى على كرسي واكتب لانك بتعرفي الانيميا شو بتعمل

ومع كل هذا بحاول ما احكي وامسك نفسي واطلع قدامك قوية وابعث فيكم النشاط

لكن صدقيني يا سلوى صفحاتي كلها ما عم افتحها ولا بكتب حرف الانيميا هدتني هد

لكن هذا وضعي وبدي اتأقلم معه وانا بعرف انه هذا الحال صعب يستمر لأني ما عم اقدر اركز في شيء

لا عارفة اقرأ ولا فاهمة شو بقرأ ولا شايفة شو بقرأ ولا جسمي متحمل اقعد خمس دقائق على بعضها على كرسي

وانت بتعرفي اني بالغربة ولحالي وبتعرفي ظروف اهلي بعمان ومرض والدي يعني باختصار ما فيني اشكي لحدا

وانت الوحيدة يا سلوى اللي بتعرفي كل شيء والوحيدة اللي شكيت لك ومع كل هذا باجي على المنتدى وبفتحه

من دون ما حدا يحس حتى تضلوا ملتمين مع بعض وبضحك وبمزح وانا من جوه ميته على الاخر ما ضل

الا تحضروا باقات الورد وتطلعوا على قبري ومع كل هذا انا بقول لك يا سلوى حقك علينا واحنا اسفين

انت في البال وما بتغيبي وكمان انا اسفة بحق كل مين بيفكر اني ناسيته انا مش ناسية حدا لكن انا تعبانة

يا ريت هذه المرة بس تقدروا ظروفي ولا تضلوا تعاتبوا ويا ريت لو احنا رفقاء واصدقاء حقيقين الاقيكم جانبي

وتساعدوني وتخففوا عني لاني انا فعلا تعبت تعبت اكثر مما تتخيلوا والصديق وقت الضيق

ارجوا المعذرة انت سلوى صديقتي وبتتحملي هيك حكي مني لانك من الاول عارفة ميساء

اهلا وسهلا بالجميع

سلوى حماد

عليا احمد

عروبة شنكان

رشيد طمئنا عليك

عمران الشيخ

ناهد شما

نصيرة تختوخ

عبدالله الخطيب

استاذتنا هدى

نسيت حدا ؟؟؟ مش عارفة انا الانيميا ما عادت تخليني اتذكر او اركز مثل اول

انتم اهلي واحبتي الله ما يحرمني منكم