وقفت حيرى
وخلف نظارة كحلا
خبعت أنا عينيا
لَتْنْزل منها دمعه
بحال ما زهر مقطرة
ولا ما ورد معطرة
تشوفها يحساب لك
دمعة حب
ليك مشتاقة
لا يا حبيبي
خبعت أنا عينيا
باش ما تقرانيش
باش هي ماتفضحنيش
باش حتى يلا أنا سكت
من ورا النظارة الكحلا
عينيا تهمس
وانت اعمى
ما تشوف ما تقرا
حرك صبيعاتك يا سيدي
وبطريقة برايل تعلم اتهجا
حرك صبيعاتك
واقرا الريح
كنت احْداك وردة
طرت فسماك غيمة
وقفت حيرى
تمنيت وتمنيت
ولكن ...
اختاريت بعزي نمشي
وانت اقرا الريح يا سيدي