[عزة عامر]

من وإلى شعب مصر .. الذي توارث فن النكتة الساخرة واستطاع أن يهزم بها جحافل الشر والعدوان في كل العصور وانتصر بالقفشة اللازعة والنكتة الساخرة على أعتى الجيوش ، وفلسف حياته بفلسفة الصبر والصمود ..
أقدم إليكم هذه الوجبة الدسمة من نوادر جحا ..
للكاتب:- أحمد سليمان حجاب ..

ونستهل بأول نص ساخر : (حكاية الحلل)

جحا في يوم قال لجيرانه
...........لو جبتو الحلل عندي تخلف
قالوا عليه الناس مجنون
.................عبيط وجاهل بيخرف

في جارة قالت مش يمكن
.............المعجزات من تاني تعود
ودت نحاس البيت كله
...............وكل حلة تجيب مولود

راحتله بعد ما فات شهرين
..............تسأل بلهفة على نحاسها
قام قلها حللك واضعين
...................وكل حلة في نفاسها

بعد السبوع ابقي تعالي
...............تاخدي الصغار وتربيهم
فات السبوع دغري راحت له
...............عايزة الحلل تطبخ فيها

جحا اللئيم دغري اداها
................ حبة حلل أد الفناجيل
قل دول ولاد حللك يا اختي
........... صبرك شوية الصبر جميل

الجارة فرحت واتهنت
............بكنز جالها ما كان ع البال
دارت ف وسط الجارة تقول
.........جحا مالوش في الدنيا مثال

سمعوا الجيران منها وراحو
..........واخدين نحاسهم كله قوام
على بيت جحا في الحال ودوه
...........من غير مناقشة وأي كلام

راحوا بعد الشهر ما فات
.........مستنظرين ياخدوا المواليد
جحا اللئيم دغري قابلهم
............وقال كفى الله الشر بعيد

حللكوا ماتوا لا حول الله
...........ساعة الولادة وحعمل إيه
أعمار بإيد الله فعلا
......... والموت ما حد يعارض فيه

قالوا هيه الحلة تموت
.......ما تقول كلام غير دا يا جاهل
قال اللي اتولد بردو بيموت
..............مفيش مكاسب بالساهل