[عزة عامر]

مستور بنور وانكشف تحت الغطا
سطور م الكتاب
عن قلبنا وكشفلنا طرف الحجاب
لما شاف جيش المشاعر
قبل ما تهل المشاعر بسنين غياب
شاف إللى مكتوب في الكتاب
والكتاب ما بيتقريش بالعيون
أو بالنظر
دا كتاب انكتب من غير حروف
لاهل الطيوب
سارحين محبة ف ربهم تايبين ذنوب
واقفين بباب العشق حافين القلوب
خالعين هدوم الكبرياء الدايبة دوب
لابسين يادوب هدوم الذل بين إيديه
وكل زلة رقعة لون من أي توب
محدوف لهم كتاب شفيف
أوراقو من نور الغيوب
اسمو المرايا اللي فيها شافوا الحكاية
من بداية خلقهم حتى النهاية
عاكسلهم صورة القدر
من عشقهم للنور فالنور يمد إيديه بصر
وبصيرة تغني في الوشوش عن العيون
ورؤية فيها المنتظر
والعشق نور جهتو الوحيدة في السما
أصل الكرم سمة الإله وهو أهل المكرمة
والنور دا مش بصيرة ثلة مخفية في عبيدو
النور بإيدو سنة من نجوم الخلق تكشف ملحمة
والحمد لله الجليل واهب حياتنا المرحمة
وانو اللي كاشف في الظلام نور الغطا
وانو تجلى لما تحلى بالسرائر
واغتسل فينا الخطا ...
أصل القلوب مهما سجدت
أو حتى ضلت الخطى
مسيرها توصل ..
لو كات دروبها ملخبطة ..