|
خارطة الطريق
كنا نحلمو بالحرية
بدولة فلسطينية
الكل فيها حر و طليق
اميريكا دارت مزبة
وجدت حلول للقضية
جابت خارطة الطريق
عطاتنا معها مساعدات
قالت دخلو للمفاوضات
و دعات لينا بالتوفيق
قالت لينا باش تحقو
كل واحد ياخد حقو
فرقات الزيت والدقيق
اعلنا افراح و اعراس
ونسينا جنين ورفح
و دم الشهيد فالارض هريق
استرجعنا الحلم اللي ضاع
و فرحنا بغزة والقطاع
و إسرائيل رجعت صديق
عرقنا طربوش و رزة
وسط اسوار سجن غزة
و المقاومة لاش تليق؟
كل واحد لاح سلاحو
كسر سيفو حط رماحو
و الجهاد اصبح تزنديق
الزعماء للعهد باعو
و اللاجئين تشردو ضاعو
العرب غاسو في بير عميق
خذو مني كلام التحقيق
كيفاش نصبر كيفاش نطيق ؟
قولو في من نتيق
يا ويل العربي حين يفيق
يوجد روحو في وسط الضيق
يوجد ارضو مشات بتفريق
وحنا في زغاريد وتصفيق
تحيا خارطة الطريق
حسن الحاجبي
نور الأدب (تعليقات الفيسبوك)
|