[سيد يوسف مرسي]

*******

يا بنت يا حلوة
يا بت يا حــــلوة *** ما لك شغلتيـــني
أبص في عيونك *** رمشك يلاغيني
أمشي بعيد عنك *** ضيك يماشيـــني
في البيت يندهلي *** في الشغل يندهلي
وان نمت فوق راسي *** عارف بإحساسي
في الحلم بيغرد *** عصفوري من نارك
أمد له أيــــــــــدي *** وأقوله ياسيدي
يضحك ويستعجب*** ويقولي فين عيدي
مالك شغلتيــــني *** يا بت يا حــــلوه
يا بت مش كدك **** عملالي هُوللا
بالله إتهـــــــدي *** طيرت ليه عقلي
مش قادر انساك *** بدي تدلــــــــيني
أشكيكي لامي *** نفسي تضميني
وتهدي من لوعي ***طيري يراوغني
قلقلنى في نومي ***وبالعشق شعللنى
يا بت يا حلوة نفسي *** أكون ليـــــــــكي
اليوم مش بكرة*** يا بت لاغيني
كفاية ضميني ***الله يصبرني
الله يهديك ....
يا بت يا حلوه

من ديواني (سكة خلاص )الصادر 2017
عن مؤسسة الجبالي بالقاهرة