|
مازال نعودو ناس
مازال نعودو ناس
و نقولو طار الباس
مازال الضبابة تزول
و الفجر يبان
مازال تصب الشتا
و يفتح بلعمان
مازال تضحك الزنيكة
ويتبسم الرمان
مازال تخضار لبطاح
و يغرد السمان
مازال نعودو ناس
و نقولو طار الباس
مازال السما تصفا من لغمام
و يكركر فيها طير الحمام
يعود الغايب للرسام
و نعيشو عيشة لكرام
مازال نعودو ناس
و نقولو طار الباس
مازال ليام تدور
و يعود القط لرمادو
يسطع مصباح النور
و يفيق الغافل من رقادو
يرفرف علامنا منصور
و نقلعو للشر اوتادو
مازال نعودو ناس
و نفورو فلكسكاس
قالو لحديث قياس
يا ربي حد الباس
حسن الحاجبي
نور الأدب (تعليقات الفيسبوك)
|