[سيد يوسف مرسي]

لما العشرة تهون يا خساره
ولما الدم يهون بجساره
ولما الكلمة تروح في مغاره
ولما الصحبة تكون بقذاره
إياك تزعل وتتحرق دمك
خليها درس أو حتى اشاره
ولا تسجن نفسك بين حطين
ولا حد تلاقي يقولك فين
خليك هادي وامشي بطبعك
ولما تصاحب جرب صاحبك
واعمل حذرك من الوسواس
بات الصاحب كاالنسناس
وباتت الصحبة لأهل الحظوه
يمشي معاك علشان غدوه
وتبقى اخبارك عنوان نشره
وطول ممعاك يدش طحين
أخر الصحبه تشيل الطين
من أيام ما كنت صغير
فوق اكفافي زي العيل
وانت يا صاحبي من بيت تعابين
كان بدي فيوم تعود لأصلك
تقطع عرق وتشوف دمك
طبعا فاكر كل الناس على شكلك
هاوي خيانه وليك مصلحتك
وعايش تطن كيف دبابير
يا اللى يا روحي قوم وروح
شوفلك صرفه وشوفلك مطرح
وناملك ساعة ولا اتنين
وعدل نومتك يا يا مسكين
جايز تصحى من الكوابيس
يا ما كتير كان عامل شاطر
اصل الصحبه ما تبقى ما تبقى مصالح
يا ألف خساره لما العشرة تهون
بقلم : سيد يوسف مرسي