الابن العزيز محمد
هل أنا أناني ؟
سؤال مهم جدا ً ولكن عدل صيغة السؤال لو سمحت يا محمد لتصبح
كم نحن أنانيون ؟
محمد خلينا نتكلم بصراحة احنا بنتكلم على ورق وليس في الميدان
احنا بالضبط ينطبق علينا المثل القائل ( إن اجاك الطوفان حط ابنك بين رجليك )
احنا حطينا غزة بين رجلينا ودفعناها ثمن جبننا وتخاذلنا وتقاعسنا
محمد
مرة واحدة خلينا نكون صادقين مع انفسنا وننترك الأقنعة الجميلة التي تزيننا لفترة من الوقت
غزة كانت تحت الحصار وحماس استولت على القطاع بالقوة وبالتالي كان في معارضة بالداخل
حماس عندها معارضة قوية جدا داخل غزة ومعارضة في خارج غزة ومعارضة في خارج فلسطين
يعني المعارضة عندها على عدة محاور بالتالي الرد ما بيكون هين والرد مين اللي تلقاها
غزة هي اللي تلقت الرد بصدرها العاري وكلنا متجمهرين امام شاشات التلفاز
بنبكي ليش لأنه سهل ( فيلم غزة ) دراما بل تراجيديا في الوقت اللي نحنا بحاجة كي تغسلنا الدموع
الشباب لديهم طاقات اكبر خرجوا للتظاهر نوع من التنفيس عن غضبهم المستعر
بالنهاية على أرض الواقع غزة شو استفادت ؟ ولا شيء
غزة المفروض انها ما تتطلع بوجهنا والمفروض ان نخجل نحنا وما نخليها تشوف وجهنا
ولكن الأخطر جاي يا محمد وما راح اتكلم عن المآسي اللي بغزة لأنها على التلفاز وبكل الساعات ممكن اي حدا يشوفها
لكن راح اتكلم عن شيء مهم وخطر جدا وهذا اللي مش لازم نسكت عليه وهو المعارضة داخل غزة
بعد كل هذه الحرب البشعة على غزة لسة في معارضة بتطلع من جوه بتوجه هجوم كبير لحماس
السؤال هو كيف نتفهم هذه المعارضة وكيف نعيدها داخل الصف هذا محمد هو المهم
صدقني غزة اكلتها وحدها وانتهى ولكن هلأ المهم ننقذ غزة من المعارضة ونوحد الصفوف
انا لا اخجل الا من انقسامنا انا فعلا اخجل منه
محمد
دعنا نضع ايدينا بايدي بعض ونعمل شيء حقيقي لوحدة غزة الوحدة الحقيقية ومن ثم وحدة كل فلسطين
هل اطلت عليك يا محمد ؟ معلش انت بتتحملني
ش
واتمنى لك ولكل شباب فلسطين التوفيق والنجاح