سنين يا كلبي سنين
أنا وياك متشردين
ف شوارع الغربة ..
رايحين جاين
وعيون الناس حربة
ما ترحم التايهين
في كل ليلة نسكنو درب
وقلوبنا تردد..
وهناك في الضلمة
أطفال نايمة
وأم تصرخ وتندب
والكمرة ضوها دبال
والنجوم بدات تهرب
آه.آه؟عايشين فصراع
ليلنا بكاء وصباحنا خراب
سفينة بلا شراع
حاياتنا ضياع
وناسها متعرفش الحب
لاتشغل بالك يا بويا
وتبحت في السراب
اللي كتاب يابويا كتاب
وكانت نهاية الرحلة تراب
مسح دموع الخليلة
واسقي بها أغصان الزيتون
وتعود ظليلة
عطر كل مكان
قصدوه التايهين
وروا للناس
حكاية المغربين
اللي ماتوا متشردين.
نادية الزوين