|
شيخنا عاد صحيح
شيخنا المريض عاد صحيح
خذو مني كلام التصحيح
طوى السجادة و علق التسبيح
و ما بقاشي يعثر و يطيح
...........
شيخنا عندو سبع اولاد
عندو لعرايسات و لحفاد
حاضي لمراية و التجباد
ورا بنية طالع هواد
.........
الطفلة شافها و بغاها
القبلة تلفها و نساها
السلكة ما بقى يقراها
من مورا ظهرو خلاها
.........
تشبب و لاح العكاز
نسى ايام طابة و المهماز
حداك و ما بقاشي معكاز
عاد يلبس و يولي زاز
..........
سلهامو سدى في سدى
و في مشيتو يتهدى
الجلابة حبة و الجبدور حرير
البلغة زيواني تحسبو غير وزير
..........
صبغ شعرو غطى شيبو
وقف ظهرو درق عيبو
تشافى و تعافى و برا
و ما بقى ينسب للفقرا
..........
شيخنا المريض عاد صحيح
خذو مني كلام التصحيح
طوى السجادة و علق التسبيح
و ما بقاشي يعثر و يطيح
حسن الحاجبي
نور الأدب (تعليقات الفيسبوك)
|