[سلوى حماد]

أحبتي في أسرة نور الأدب تحياتي لكم جميعاً،

سلامتك يا ميساء من اللوز وهمها ، على فكرة انا شلتهم زمان وارتحت منهم بس المشكلة ان منطقة الحلق تصبح مكشوفة وتكون معرضة اكثر للإلتهابات ، اللوزتين تعملان كحارسين لمنطقة الحلق ( سامحوني بامارس تخصصي العلمي هنا).

بمناسبة المرض ، باحكي معكم هلا وحرارتي مرتفعة ، وحلقي يؤلمني واجد صعوبة في البلع ، وبداية انفلونزا
( ان شالله ما تكون انفلونزا طيور )

بمناسبة الكيكة يا ميساء ، عملت اليوم كيكة الجزر بالجوز والقرفة ، كان عندي ضيوف، شو رأيكم؟


انا معك ميساء في اننا نحن من يرسم شكل الحياة ، اذا تكلمنا عن الحب نشعر بإننا في حالة حب لا تنتهي ، واذا تكلمنا عن الإكتئاب نصاب بحالة من الزهد في كل شيئ ، واذا تكلمنا عن الفشل نجد مبررات لكبواتنا فنفشل ، واذا تكلمنا عن النجاح نجد حافز للعمل كي ننجح، اذن نحن من يرسم طبيعة الحاضر الذي نعيشه ، فلنرفع شعار التفاؤل والحب ونهتف سوياً لا وألف لا للإحباط والحزن.

ناهد باعتقد في سوريا هلا ، سلام الك ناهد وللأخت الغالية بوران ، الله يديم عليكم السعادة والجمعة الحلوة وسلام لكل الحبايب في سوريا.


ياجماعة والله الواحد يشتاق الكم بالزاف ( ولا تزعل يارشيد)

نصيرة يا فراشة المنتدى الرشيقة النشيطة كيف امورك ؟

استاذة هدى باتمنى تكون الأمور عندك أفضل ، رجاء ما تضغطي على اعصابك.

ميساء انا كمان مستغربة على غياب كنان، شو صار له كان نشيط كتير

عبدالله الخطيب ، وينك يا ابن البلد القهوة بردت وبعدك ما جيت


ابناء غزة الطيبين اللذين عادوا بعد فترة انقطاع بسبب الحرب - ماهر جمال - هبة اكرم اهلاً بكم ولا حرمنا الله اقلامكم الشابة.

ميساء عندك لوز وعندي التهاب بالحلق يعني القهوة ما بيمشي حالها معنا ، بنعمل قهوة للحبايب وانا وانت بنشرب بابونج شو رأيك؟

في حدا بدوا بابونج معنا؟


عموماً عنا كل انواع المشروبات ، بابونج ، ميرمية، حلبة حصا، يانسون، زهورات ، جنزبيل ، قرفة، شايات بجميع الألون اخضر واحمر ،

يعني ما في حجة لحدا يغيب ،


اشتقتلكم كتير ، هلبة ، بالزاف ، برشة ، بوكو

سلام

سلوى حماد