انتباه
انتباه
انتباه
في فايروس ظهر في المنتدى قبل قليل اسمه ( الحب )
رشيد نازل فينا قصائد نثرية عن الحب
والاستاذ خيري بيشجعه وبيشد على ايده وبيقول انقل لنا العدوى يا رشيد
احبتي انتم غاليين علي ّ وأنا خايفة عليكم من العدوى عشان هيك تسللت لهون عشان
أقول لكم ديروا بالكم على حالكم منيح ترى هذا الفايروس خطير وما اله تطعيم
كل واحد يلف على قلبه بطانية .. لأ شو بطانية لحاف أحسن والا اقول لكم يعمل جدار
اسمنتي حوالين القلب .. ترى احنا مش ناقصين .. اول انفلونزا الطيور وهلأ انفلونزا الحب
لا يا عم واحنا ما لنا .. اصلا هذا الحب للمترفين واحنا غلابى وما الناش بها المسائل
وعلى فكرة مش تطلعوا من هون عا السكيت وتتسللوا على اوراق رشيد لحن الحب وغيره
ديروا بالكم هذا فخ منصوب الكم .. غمضوا عيونكم وامشوا وان شاء الله ربنا راح ينجيكم
على كل اللي بتظهر عليه اعراض الحب مبدئيا يعتكف في بيته وما يقابل حدا ولا يصافح حدا
ولا يسلم على حدا حتى ما تنتقل العدوى ونسيت اقول لكم كمان ما يطلّع بحدا لأن الحب بينتقل
عن طريق العيون فديروا بالكم والله يحميكم وينجيكم من فايروس الحب
ودمتم