[ناجية عامر]

صنــــــدوق كلامــــــــي

فليلة من الليالي
فتحت صندوق كلامي
لقيت رسالة مكتوبة
مرسول فيها السلام
ومعاه شلا كلام
يا رب شكون تكون هدي
نطقت و جاوبتني بأحلى
الكلام
يا العزيزة خدي
كلامي و قرايه
راه كلو حديث و معنى
قدمت لها التحية
فتحت لها قلبي
و حكيت لها كل ما عندي
حيت عرفتها لالة و مولاتي
و بير غارق كلو سواني
فنفس اليوم
جا فبالي الصندوق
و فيها بديت لوم
كيفاش دخلت لصندوق كلامي
جاوبتني
أنا طالبة منك السماحة
حيت قللت عليك العفة
ما تحسبيهاش مني خفة
حسيت بالدنب و العار
دخولي للصندوق بلا شوار
كلامك كلو صحيح
سامحيني
و ديري ايدك في ايدي
يا مولات القلب السميح