[ميساء البشيتي]

عاد أنا من الصبح جاي على بالي افتح موضوع وخجلانة من سلوى لأنها لسة ما أخذنا وأعطينا بموضوع القدس لكن هي فنجان القهوة اليوم اله نهفة جديدة .. ترى أنا شايفتك نصيرة من الصبح ضايجة .. اسمعي خلي أبو أنس مشغول بالستاير وتعالي شوفي شو بدي أحكي ..

أين اختفى الحب ؟؟؟

من فترة وأنا براقب كتابات الأدباء والكتاب والشعراء وووو كلها لما بتكون تتكلم يا زعم عن الحب ما بيكون فيها الا لطم ونواح على هجر وغدر وفراق أو تهديد ووعيد ... هل هذا هو الحب في هذه الأيام .. هل تهدد المحبوبة ؟؟

يعني يا بتيجي يا عمرك ان شاء الله ما جيت ؟؟

أو احكي انت بالأول بعدين بحكي أنا ... أو اذا ما حكيت ما بحكي .. هذه طبعا بعض من حكايات الحب والباقي كله غدر وهجر وفراق وغش وخداع ... ولوووووووووووووو

مو قبل ما تنغدر بدك تنحب بالأول .. طيب وين الحب اللي حبيته ؟؟

أذكر في يوم من ايام الصبا لما كنت أكتب لكن ما انشر .. اكتب والقليل يقرأون لي .. كتبت خواطر وليس خاطرة واحدة فقط أوصف فيها المسافة من كلمة آلو لغاية ما حضر للقاء وهي فعليا ً ما كانت تتعدى ال5 دقائق .. بعدها وصفت اللقاء .. ما تركت شاردة ولا واردة الا وصفتها وأسهبت في وصفها من فنجان القهوة المرة ولغاية منفضة السجائر وووو

وين قصص الحب اليوم .. اشتهيت اشوف واحد بس بيوصف لقاء من لقاءاته والا بيوصف الحبيبة والا بيوصف نظرات الحب بيناتهم والا حديثهم والا أرقهم وإلا اشتياقهم والا انتظارهم اللقاء ... معقول بعد كلمة بحبك فراق وغدر وخيانة على طول خبط لزق .. فش مسافة بالنص .. اذا كان كل كتابات اليوم هيك معناته ما في حب نهائي وما في غير شعور بالحزن هو فقط اللي مسيطر

اتمنى ان نبحث عن الحب ونتكلم عنه بصراحة وحاج التفافات ما الها طعمة .. قبل ما تغدر فيها وتغدر فيك شو صار ؟؟؟ هون السؤال

ويا ريت معشر الشعراء والكتاب وأصحاب الأقلام المميزة يجاوبوني بصدق .. أين اختفى الحب ؟