[ناهد شما]

قالوا مكتوب على باب الجنة عمرها حمايه ماحبت الكنة

قالوا لو ابليس دخل الجنة الحمايه بتحب الكنة

قالوا مكتوب على باب السما عمرها كنة ماحبت حما

1- ابغض الحموات الخالات والعمات وسلايف الأمهات

2-إن حبتني حماتي حطتني عالتنور وإن بغضتني حطتني عالكانون

3-الحماية حمة- الحمى حمى وبنت الأحمى عقربة مسمة وعمي الختيار ما بيدخل الجنة

4-بوس إيد حماتك ولا تبوس مراتك

5- حماتي بطبريا وصوتها واصل ليا

6-الحماية ما بتحب الكنة ولو كانت حورية من الجنة

7-حماتي الله يخليها بنار جهنم يشويها

8-اللي بخاف من حماتو بفش خلقو بمراتو

9-لا حماية ولا ضرة الا سخطة من عند الله

10- قالوا للحماية ما كنت كنة قالت كنت ونسيت

11- ما بيخرب البيت الكبير الا الكنة والاجير

حماة مش راضية بعروسة ابنها يعني مو حابيتها
...وقفت قبالها بالعرس وآاهت....
آويها يلي قاعدة بحد ابني .....
آويها ما فيكي شي عاجبني.....
أويها هلأ بتحكي حبني
أويها بكرة بتحكي كبني
أويها و إن ما مشيتي دغري
أويها لتلاقي بيت الضرة مبني
لولولولولوليش

قامت ردت عليها العروس وقالت...
آويها وحيات شالك وشنشالك..
آويها بعد اسبوع لافضالك
أويها و إن شاء الله فال الله و لا فالك
و أويها و داء الفالج جالك
أويها لاشغل بالك و انهب مالك
أويها و ابنك ما بيهنالك
أويها و بعدها لافرجيكي حالك