عزيزتي الاستاذة الرائعة هدى
اعزائي الزملاء الافاضل
اكيد انفتحت نفسنا على المنسف
عزيزتي انا بعمل المنسف بهذه الطريقة وأحيانا
اخلط الى اللبن ما يعرف بلبن الشنينة بالاضافة الى اللبن الرايب
لان لبن الشنين حامض شوي فيعطي اللبن مذاق زاكي جدا
بالاردن بيختلفوا الاردنيين مين ازكي منسف
الكركيين بيقول المنسف الكركي ازكى لأنه معمول بجميد كركي
واهل البلقاء بيقولوا المنسف البلقاوي ازكي لأنه السمنه اللي
بينطبخ فيها سمن بلقاوي وعلى ما اظن بالاردن نفسها ما بيخلطوا
اللبن يعني بيضعوا جميد على الحل على اساس اللبن الرايب
بيضعف طعم مذاق الجميد الكركي لكن في كتير عائلات
صارت تخلط اللبن وانا منهم
يا سلام شو رأيكم تتفضلوا واعمل الكم صدر منسف بيجنن وعليه
كمان راس خروف بيحطوا في فمه عرقين بقدونس
وصحتين عافية على قلب الجميع
ولا تنسوا القهوة المرة لازم جانب المنسف ونسيت أقول كمان بالاردن
بيشربوا مع المنسف اللبن نفسه .. لبن المنسف اللي هو الجميد
بكاسات بيكون جدا طيب مع المنسف
الله الله الله الله
