أنا ميساء ولست فرح
لكن جهازي مو راضي يفتح باسمي
بعدين بشوف مشكلته
انا شخصيا بموت فيك نصيرة
انت بتنشربي مع الماء العكر .. هذه بتنقال عنا للانسان
الصافي الزلال مثلك
اماكن بحبها جدا وبحن الها كثير وفي الي فيها
ذكريات حلوة مثل مدينة العقبة في الاردن
كثير مشتاقة الها ونفسي اشوفها
اماكن بكرهها هي المستشفيات بشكل عام
بغمض عيوني لما بمر من امامها
اماكن الها رهبة بيرتجف جسمي لما بمر منها
حبا ورهبة هي اماكن لقاء الأحبة
علاقتي بالأماكن اكثر حميمية من علاقتي بالبشر
مع اني من الناس اللي بعتبر حالي متوازنة في علاقاتي
لكن علاقتي بالاماكن والفصول اكثر حميمية
مثل فصل الخريف وشهر أيلول بعشقهم
هناك مكان ما بيروح من بالي وما فيني اشوفه
وما ممكن انساه
الحرم .. يعني المسجد الأقصى .. هناك ساحاته
وأدراجة وحتى ما سمى بحائط المبكى او الإبراء
مثل ما بنقول بالعامية بشتاق الهم كتير وبشتاق
لحارات القدس العتيقة .. حارة السعدية كان فيها ملعب بحبه
وباب الزاهرة وباب الحديد والمهم مدرستي الفتاة اللاجئة
وكل حارات القدس مشتاقة الها موت .. يا رب اشوفها