[ميساء البشيتي]

ناهد يا رفيقتي في قلة النوم

تعالي شوفي البنات شو عاملين فيّ

مبارح اجى على بالي اعمل كيكة لسوزي مع انها خلصت امتحاناتها

بالامتحانات بتحب قطعة كيك مع القهوة لكن انا قلت لحالي بدي افاجئها

بكيكة على رواقة بدون امتحانات .. وفعلا فاجأتها

بعد شوي قلت ارتاح والساعة صارت 9 مساء اجتني الست فرح

ماما حبيبتي عيد ميلاد خليفة بكرة اعمليله كيكة .. بدي كيكة

الشوكلاتة اللي انت بتعمليها وهذا بيعني اعمل كيكة واعمل كمان شوكلاته

صارت الساعة 10 قلت لحالي بيكفيها الكيكة على النار خليني اخبزها

كنت مستعجلة بدي الحق المسلسل .. فلما خبزتها كان ارتفاعها نصف قدم

كل البيت يقول شو هذا هذه كيكة بتعقد .. غزيت الشوكة فيها همدت

طلع فيها سائل .. كبيتها بالزبالة .. والساعة 12 ورحت عملت واحدة جديدة

وخليتها على النار لما نشفت تماما ولما دهنتها بالشوكلاته ورشيتها

بالفراولة والبكسويت المطحون على جنبها وعملنا على شكل وجه

مبتسم قلت لفرح صوريها اعزم عليها الحبايب بفنجان قهوة .. نسيت فرح

رحت انام على الساعة 2 .. الساعة 305 اجتني دينا وقالت فيقيني

على ال505 عشان اكمل المشروع عندي تسليم الساعة 8 وفداء بدها تفيق على

605 وسوزان بعد بساعة ولسة يا ريت هيك على الثمانية بدي انام اجتني سوزان

تقول لي ببراءة .. الشوفيرة ما اجت وما بترد على الموبايل ومين يوصلني كل

السيارات برة البيت

وعندها بروفة تخريج وقعدنا نتصل بالامة العربية لما أمنا لها توصيلة الساعة

10 ونمت على الكنبة .. اجت دينا على ال12 تاخذ غرض من البيت شافتني جنت

قالت ماما ارجعي ناني انت اصلا مريضة .. لسة بدي اغمض عيني اتصلت فداء

ماما اجهزي انا تعبانة وبدك تروحي معي على الدكتور قمت رحت معها

وفحصت من مرة كالعادة كله بده تزبيط ضغط منخفض .. سكر منخفض .. دم

منخفض .. التهاب اذن ولوزتين ورجعت على الساعة 2 اعمل غذاء

وهلأ عم اكتب مش شايفة شيء من اللي بكتبه

السؤال .. ايمتى بدنا نرتاح ؟؟؟

ازعجتكم ما .. ونشفت ريقكم .. أسفة