[امال حسين]

أوباما والبطيخ والطبيخ –يا فوزيه
دخل إسماعيل لمنزله الساعة الرابعة بالقرب من العصر عائداً من عمله ممنياً نفسه باستقبال حافل من أولاده وزوجته فوزيه ، وأيضا ليأكل ويرتاح بعض الوقت ليتمكن من مواصلة يومه والذهاب لعمله الثاني الذي التحق به ليسد متطلبات أسرته الأساسية التي لا يكفيهم دخله .

فتحت له فوزية زوجته ووجهها عابس وتربط رأسها بمنديل معقود للأمام وطرفاه مرفوعان بما يبشر بحالة مزاجيه سيئة وبوادر غم ونكد مستطير ،لن ينقشع قبل ثلاث ليال ،فهو يعرف ذلك من شكل ربطة الغم التي تعقدها فألقى التحية كأنه يحدث نفسه :

= السلام عليكم ورحمة الله وبركاته ....يارب استر ....ازيك يا فوزيه .

= عليكم السلام والرحمة .......أنت جييييت يااسماعيل

= انتى شايفه إيه؟؟؟؟؟؟؟؟مالك يا فوزيه شكلك عصبيه ؟؟؟؟؟؟؟؟الأولاد فين ؟؟ مش سامع حسهم

= مالي يا إسماعيل ؟؟؟؟؟؟مجنونة .....بقطع في شعري ؟؟ وإيه الأولاد الأولاد ......مافيش إلا الأولاد تسأل عليهم


دخل إسماعيل حجرته وُهم بتبديل ملابسه وهى تتبعه بأنفاسها المحتبسة المتقطعة من فرط عصبيتها ...........



رأى إسماعيل ذلك واستشعر إن هناك مشكلة كبيرة تنجلي في الأفق بينه وبين فوزيه ولن تنتهي إلا بطلبها للطلاق ...........ارتعد من فكرة الطلاق وخراب البيت ..........فلابد من التهدئة ومعالجة الأمور بحكمه وهدوووووووووووء ...........مد يده ليمسك يدها وأخذها لتجلس على الكنبة المتهالكة التي ورثها عن أمه وأصبح لونها يشبه أيامه البنية الغامق وقال لها بنبره هادئة :


= مالك يا فوزيه ؟؟؟أهدى قليلاً .....صحتك لا تتحمل هذا .....أحكى لي مين مزعلك وأنا اخدلك حقك منه .

استجابت فوزيه للتهدئة وجلست وقالت وهى ترفع حواجبها لأعلى لأقصى درجه ::


= إتفرجت على خطاب أوباما ؟؟؟؟؟؟؟؟؟



اندهش إسماعيل من فرط المفاجأة .....فهو يعلم أن فوزيه لا تشاهد من التلفزيون إلا المسلسلات والنكد والبكائيات وبعض الأغاني الشعبية لتصفق وتهز أكتافها مع الإيقاع لتفرج عن نفسها .....مالها ومال أوباما؟؟؟



= أوباما ؟؟؟ تقصدي رئيس أمريكا ؟؟؟ شوفتيه وسمعتيه ؟؟؟

= نعم هو رئيس أمريكا ......سمعته وهو بيتكلم .....ولقيت كل الناس تصفق له بشده ........وبيتكلم كلام حلو كأنه بن عرب زينا ......وكمان بالقرآن كأنه مسلم ..........وشوفته بيلف في الجامع وماسك ايده ورا ظهره .........عرفت انه مش متوضى وخايف يلمس أي حاجه ........وكمان قالع جزمته هو والست اللي كانت معاه ............والله حبيته وعرفت إن دخلته على مصر دخلة خير .....والفلوس هتكتر وحالنا هينعدل ..........



= وحالنا هيعدله ازاى اوباما يا فوزيه ؟؟



= هيدلنا فلوس كتيييييييييير ............ويوظف الولد الكبير في وظيفة محترمه يقدر يكون نفسه ويتجوز ..........والبت يجى لها عريس بدل ما الشباب مش قادر يقرب للزواج من التكاليف ..........ويِعدل التعليم وتتلغى الدروس الخصوصية ..........واللحمة ترخص وأعمل بامية
باللحمة ............طبيخ حلو ملوكي ...........ونجيب بطيخه حمرا وأسقعها ونحلى ...............وكأننا ملكنا الدنيا باللي فيها ...........و.................



هنا لم يتمالك إسماعيل نفسه من الضحك على سذاجة فوزيه زوجته التي أنطلى عليها الموقف وقال لها مفهماً إياها بعد أن أحاط كتفها بذراعه :




= يا فوزيه اوباما وبطيخ وطبيخ إيه؟؟؟؟؟؟؟؟؟؟

اوباما قال ما يعجبك ويعجب غيرك .....فهو رئيس دوله ثانيه غير مصر ولا هو عربي ولا مسلم ولا هو أهبل ..............هذه سياسة دوله ليكسب ود الجميع ليكسب منهم مصلحته .........فأرض العرب هو الكنز الذي يحتوى على اكبر مخزون احتياطي للنفط في العالم ..........والبلاد العربية هو أكبر سوق لمنتجات أمريكا .......وان كان هيخلى العراق من جنوده فلأنهم عبء على ميزانية أمريكا..........والسجن اللي هيقفلوه ........لسه في سنة 2010.............يعنى يارب يا عالم هيحصل إيه..............وإسرائيل وفلسطين قال يتعايشوا في سلام .............طيب ازاى ؟؟؟؟؟؟؟؟؟؟........طول عمرهم مش عارفين يتعايشوا في سلام .........

كلام كلام كلام وخلاص حلو لكن صعب التنفيذ يا فوزيه ....ولم يخسر شيء ......بل نحن ما خسرنا 60مليون جنيه للضيافة والتأمين عليه .....غير شركات أغلقت أبوابها ومحال ومصالح ناس أتعطلت تصل ل500مليون جنيه واستضافة 3000جندى من المار ينز لتأمينه داخل مصر .........يعنى خراب بيوت .....

على رأى المثل


طلب الغنى شُقفه .....كسر الفقير زيره .........هههههههههههه




اصيبت فوزيه بالإحباط من فشل كل أحلامها وأمالها التي عقدتها على اوباما .

سألها ليخرجها من إحباطها :


= هتأكلينى ايه انهارده ؟؟؟؟؟؟؟؟؟؟

= بيصاره بعيش ، إتعذب ابنك على ما جابه ،وقف في طابور 3 ساعات

= رضا الحمد لله ..واعملي لي كوباية شاي مظبوطه من ايدك الحلوة .

ضحكت فوزيه من الإطراء وقالت :

= لا هنحلى الأول بطيخه ساقعه ،ويارب تطلع حمرا .

= طيب بيصاره وبطيخ ؟؟؟؟؟؟الحمد لله ومش عاوزين من اوباما حاجه .



................................


تمت مع كل مودتى واحترامى للجميع