[ميساء البشيتي]

اختي الحبيبة استاذة هدى
اول شيء بدي اطلبه منك انك لا تغيبي عن هذه المساحة
احنا بحاجة ماسة لتواصلك هذه الأيام
غيابك لو بسيط بيترك فراغ كبير واحنا كنا نتكلم عن الفراغ العاطفي
يعني نحنا بحاجة لملء كل ثقوب الفراغ العاطفي اللي عنا
بالنسبة لفرح حسيتها وجهت لي صفعة لما كتبت عن الفراغ العاطفي
تخيلي يا استاذة هدى قديه صار عمرنا وماشيين بالدنيا بالطول وبالعرض
ناسيين انه صار عنا اولاد بيحسوا مثلنا وعندهم مشاكل مثلنا
ومثل ما قالت لي فرح ليش يعني الفراغ العاطفي فقط بين المرأة والرجل ؟
ما ممكن يكون الفراغ بين ام وبنتها ؟
حسيت لحظتها انه نحنا بس بنفكر بنفسنا وحسيت انه وجود طفلة مثل فرح هون
بفنجان قهوة مهم حتى تقول لنا "ستوب " بيكفي تفكروا بنفسكم
فكروا فينا شوي .. هون حسيت انه احنا كلنا ما بنفكر غير في نفسنا
ونسينا انه اولادنا صار لازم هم اللي انفكر فيهم
غاليتي
اولا خلينا نشرب فهوة حتى نعرف نحكي


بالنسبة للغياب ان شاء الله راح يستجيبوا للنداء وناجية ورشيد
نورونا وحضروا وربنا يطمّنا عنهم وعن الباقيين
موضوع التخاطر حكيت فوق لنجاة بدنا منك موعد يكون النا
نتكلم فيه عن التخاطر وما راح ننسى أولادنا وبقصد بأولادنا
هم كل جيل الشباب يعني بناتي ونجاة وكنان وأمال وغانية
وشادي روح خالتو كمان "يا جبل البعيد خلفك حبايبنا "
انا خايفة شادي يغني لك " دخيلك يا امي مدري شو بيني "
ويجيب لك كنة على البكير ..هههههههههه
الله يوفقه يا رب ويوفق جميع أولادنا يا الله
بالنسبة لموضوع المجموعات الاجتماعية وهذا موضوع جدا مهم
هذا لازم نتكلم منيح فيه ولازم نركز على الأعضاء الشباب
لأنهم بيتحركوا بسرعة أكبر منا ما شاء الله عليهم
يعني لازم نشركهم في كل مجموعاتنا ونسمع صوتهم ونتقبل اراءهم
بس برضه هم ما يسوقووووووووووو فيها بنظل احنا الاباء
النا عليهم السمع والطاعة والمشورة
استاذة هدى
يا ريت ينضموا النا الكل ناهد وبوران ونصيرة وميرفت
وحزب الرجال المتقاعس اللي ما طل منه غير رشيد
صدقوني رشيد صار لازم نعطيه وسام الرجل الأنيق يعني الرجل الذي
يقدر المرأة ويحاورها ويشاركها في دردشاتها وهمومها .. يعني رشيد قريب جدا
من المرأة وهذا الشيء للأسف انحصر برشيد .. ما في غير مواظب على التواصل
وهذا اكبر خطأ بحق المرأة .. مش فاهمة يعني هي أحاديث نسائية ( ثرثرة )
لا ترقى إلى مستوى فكر الرجل ؟؟ ما حلوة هذه الفكرة .. كلنا هون أصحاب
أقلام وهذه الأحاديث مهمة النا كلنا سواء كاصحاب اقلام أو أباء
أرجو أن يتفهم زملاءنا الأفاضل وجهة نظري ويفهموا أنها دعوة مني لهم
بالحضور والمشاركة والتفاعل
ودمتم بكل الحب