[ناجية عامر]

[align=center]
القطع الأرضيــــــــــة و قيمتها

يا أرضي، يا ذهبي الثمين
شحال و أنا عامل لك السور
شمال و يمين
و محافظ عليك من العين
صبري عليا غير شوية
نروج الحركة و ندير لاباس
نعمل لك البلان و نحفر لك الساس
نعلي و نزيد نعلي
لاكاف، حانوت وهري
و ثلاثة الطوابق
نكون راجل حادق
بالمهل و بلا ما نتسابق
نوقف على المعلمين
نراقب و نشوف آش واقع
باش ما نتزرفش
و نصبح ضايع
المعلمين، ما نعمل منهم
لا رفيق و لا صديق
هذا زمان الغش
بهم ما نتيق
نراقب السلعة و الياجور
نحسب الداخلة و الخارجة
نتبث و ما نبقاش ندور
حتى يكمل البني
بلا غش، بلا تزوير
و ها أنا بداري فرحان
و مسرور

[/align]