مرارة الغربة
دواءها العودة الى الوطن
كرهت الغربة و بلاد العنصرية
بصغيرهم، بكبيرهم يكرهوا
العربي و العربية
كنت نطلب، يا ربي تفوت
هذا الأيام لي أنا فيها نقرا
نكمل تعليمي، نتكون
و نرجع لبلادي و لأهلي سالم
نعزك يا وطني و نموت عليك
الله سبحانه هو لي عالم
الحمد لله على ذيك الأيام
طارت، تجري كيف سراب الحمام
ها أنا جيت، قولي السلام
يا الحبيبة، قولي السلام
وعدتك نرجع ليك
حيث أنت ما سامحة فيا
و أنا ما سامح فيك
ما تفكريش بعيد
و تقولي عشت سعيد
الغربة بلا بك فيها عانيت
من حر فراقك أنا قاسيت
الحمد لله، اليوم ها أنا جيت
قولي السلام، يا الحبيبة
قولي السلام
بلا ما تسوليني على روحي
و لا انت بسرك ليا تبوحي
تعاهدنا نساو الماضي
و كل ما فات
نبداو صفحة جديدة
و نعيدوا الذكريات
نذكروا أجمل ما في الحياة
نطيروا، نحلقوا
بين الجبال و الغابات
نلقيوا التحية
على البلدة و الوادي
نسمع لك أنشادك
و تسمع ليا أنشادي
وسط الغلة و الأشجار
نتغناوا بصوت عالي
يسمعنا العادي و البادي
الأهل و الأحباب و كل سيادي
الفرحة تعم كل المكان
برجوعي لك و لبلادي
نموت عليكم و نفنى
عليكم نكتب و بكم نتغنى
قولي السلام يا الحبيبة
قولي السلام