اخي الكريم عبد الرحيم العاني
ولماذا سيفهم كل عضو أن هذا الكلام موجه له .. أنا لم أشتكي على أحد
أنا كنت افش قلبي .. أحكي عن شيء مضايقني وحصل .. واللي حكيت عنه
ظاهرة موجودة بالفعل وضايقتني بل وسببت لي الألم ولكن السؤال لماذا
يجب أن يتضايق الأعضاء من كلامي ؟ ألا يتعرضون لما أتعرض له
ألا ابوح لهم وأذكر لهم ما آلمني .. ألسنا هنا لنبوح ونفضفض ؟
أخي عبد الرحيم .. أنا أراعي مشاعر الآخرين جيدا ً لكن ما حدث أن الناس تغيرت
وهناك صار في أمور صعبة أن يهضمها الشخص أو يسكت عليها .. في ناس
بيتعاملوا معك بفوقية .. بيثوروا لأسباب أنت لا تعرفها .. شو ما حكيت الهم
بيطلعوك مش فاهم عليهم .. طبعا أنا ما عم أتكلم عن ناس ما بيعنيني أمرهم
لا .. أنا عم أتكلم عن ناس اتعامل معهم بشكل يومي ولكن المصادفة أنه كل الناس
تغيرت .. ما عاد حدا فاهم على حدا .. بتقول للواحد مرحبا بيقول لك شو قصدك ؟
أنا بس بدي أعرف ليش هيك عم بيتصرفوا .. شو اللي بيغير الناس فجأة وبخليها
تنسى إنهم زملاءك واصدقاءك والمقربين منك ... طيب ماشي أخي عبد الرحيم
هم المفروض يتغيروا وأنا المفروض ابقى مثل ما أنا حتى ما أستنكر اللي بيعملوه
أخي عبد الرحيم .. اللي بيكتب بيتواصل مع كتير ناس .. منتديات وصحف الكترونية
ومدونات .. ليس بالضرورة ان يكون زملائي من هذا المنتدى فقط ولكن أنا هنا
وأبوح هنا لأحبتي ولمن يعنيهم أمري .. ما حدا بيقول لحدا ليه بتشكي همك لأهلك ؟
ليه بتفضفض هون ؟؟ أنا ما اشتكيت على واحد ولا قلت يا ناس هذا الشخص أساء لي
أنا بحكي أنا قديه انجرحت منهم ومن ردودهم ومن سلوكهم المختلف ..
اخي عبد الرحيم الأنسان الصادق والواضح والصريح ما بيضايق .. اللي بيضايق
هو الانسان المزاجي .. المتقلب .. المتغير ..
أحبتي
أنا حكيت إنه هذه " قف يا زماني " هي من بوح خريفي وأنا فعلا كنت حابة
تقرأوها معي وتحسوا في وتشاركوني وجعي وعلى كل مش دائما بنقدر نوصل
اللي بداخلنا بشكل سليم ولذلك أنا بأكد هذا البوح ليس له علاقة بأعضاء نور الأدب
وشكرا لكم أحبتي