[محمد المسفيوي]

سمعوا يا ناس قصة مخلوق من طين
خلقوا الله من مضغة تم نطفة حولوا الى جنين
زين ليه ربي صورتوا وضع ليه ودنين اعينين
رزق ليه الوالدين تكفلوا بيه حتى مشى على زوج رجلين
بلا شك يا اخوان عرفتوا بانه هو الانسان
لي كان عايش في سعادة وامان
واكل شارب من احلى تمار الجنان
لكن وسواس الشيطان غرقوا في متاهات العصيان
الشيء لي كان الخروج من الفردوس الى الدنيا عقاب وجزاء
في رمشة عين بني ادم ضيع كلشي سدى وهباء
هدي حكمة ربي لي بغانا نخودوا العبرة من قصة ادم وحواء
نعبدوا الرب العالي ونحمدوه منساوش يوم اللقاء.
محمد لبزيز(اسفي)