[حسن الحاجبي]

طول عمري هافضل, أحبها
وأذوب في هواها, و عشقها
حتى لو أنا بعيد عنها
حتى لو عمري ما زرتها
حتى لو قالو مش إبنها
كان نفسي تاخذني فحضنها
أشرب من مية بحرها
أشم ريحتها و عطرها
و أمشط جدايل شعرها
ولما قربت خطوة منها
قالو لي وسع عنها
إوع تقرب و تمسها
أصلك بتحاول تضرها
وحدنا إحنا بنحبها
وحدنا بنعلي صرحها
قلت: والله بحبها
وحبي ليكم من حبها
ومن غير ما يطلبو رأيها
كممو عنوة, فمها
كسرو قلبي و قلبها
وقالو بالنيابة عنها
إرحل عن سماها وظلها
مالكش عيش في أرضها
وبرضو هافضل أحبها
حتى لو أنا بعيد عنها
حتى لو قالو مش إبنها
أصل :هي مني, و أنا منها