[ناجية عامر]

ما يدوم حال
يا الهايم ف هاذ الدنيا
و تابع الشيطان ف هواه
كون تدوم
كون دامت لشحال و شحال
كون تدوم
كون دامت لشلا أجيال
لكل الآباء و العمام و الخوال
أما العمات و الخالات عليهم لا تسال
آسمع ليا و صغى
يا لبالو مشغول بوسخ الدنيا
يجري بلا عقل
يجمع و يخبي
و عايش ف الذل
ر اه ما يدوم حال
يا واكل رزق ليتامى و شلا عيال
يا العايش بالغش و الغدر
و ف الخلاص ما يعذر
يا الناقص من العبار
ميل كفة الميزان
مدوخ الشاري
و واكل الجيران
راه ما يدوم حال
يا لي معمر فاهو بالقيل و القال
و ما داير بحساب الله
يا لحالو ما بحال لحوال
غير هايم ف هاذ الدنيا
و تابع الشيطان ف هواه
راه ما يدوم حال
يا لي مالي راسو بالحيل
و عامل لقلبو مشهاه
اسمع ليا و اصغى
يا لحالو ما بحال لحوال
اطلب الله عليك يتوب
و يغفر لك ذنوبك
يا ظالم قومان و شعوب
راه ما يدوم حال
كيف سكنت قصر
كيف سكنت نوال
كيف كليت الحرام
كيف كليت الحلال
اعمل مزيان باش تلقى الله
راه ما يدوم حال
يا الهايم ف هاذ الدنيا
و تابع الشيطان ف هواه

15/01/2010