[مسعدالنحلة]

عيد الحب

عيد الحب يا ناس من تانــــي
فين الحب وفين أراضيــــــه
سنه عدِّت تركت أحزانــــــي
مع هَمْ بيفتح لي إيديـــــــــــه
وانا شايف أهلي وإخوانـــــي
في القدس اللي النار حواليــه
لا انا قادر آخد بإديهـــــــــــم
ولا قادر حتى أطـَّفيــــــــــــه
يبقى الحب مالوش في زماني
قيمه تخليني افرح بيـــــــــــه

لو حب اتجرَّأ يوم جانــــي

يندهلي وبعِزم ما فيــــــــه

أدَّارَىَ وأسِّد ودانـــــــــــي

لا أشوفه ولا ارُّد عليـــــــه
***

مسعد النحلة