[frame="12 10"]
أنشودة شمع الامل
[type=367986]
شمع الأمل في أيدينا
على جراحنا شدينا
فوق الأمل عدينا
رغم الحصار .. رغم القصف و النار
إلنا الحياة إلنا
يا أرض جنة
إحنا ألي ما هنا
رغم الحصار .. رغم القصف و النار
حبك يا غزة غالي
يالا عدي الليالي
بالعزم موجك عالي
رغم الحصار .. رغم القصف و النار
لون الحزن فينا
غطى ليالينا
نرسم أمانينا
رغم الحصار .. رغم القصف و النار
حني على أطفالك
ضميهم بشالك
و اعتزي برجالك
رغم الحصار .. رغم القصف و النار
إحنا زهر ليمونك
و إحنا ثمر زيتونك
و إحنا الحلم بعيونك
رغم الحصار .. رغم القصف و النار
يا غزة يا صباره
يا موج يا هدارة
يا شمس يا نواره
رغم الحصار .. رغم القصف و النار
طول المدى كنت
حرة و لا هنت
غزة النصر إنت
رغم الحصار .. رغم القصف و النار
[/type]
[/frame]
كلمات : خليل عابد