[كنان سقيرق]

صباح الأنوار ..الحمد لله على وصول الأخت أماني بالسلامة إلى دمشق ..أكيد رح تكون بعيون الأستاذة بوران ..أستاذة ناهد سلامتك من الزعل بس مابقدر قول شي لأن قلب الأم ما تعرفه إلا الأم .. ياجماعة اليوم3 نيسان ..صار معي فصل بها المناسبة ..يوم الخميس زي ماتعرفوا كان واحد الشهر ..والصبح وقت رحت على الشغل وجدت محلي عليه ختم من البلدية وأول شي خطر ببالي أنها كذبة نيسان وواحد من جيراني حابب يمزح معي ..ففتحت المحل بكل بساطة وبعد شوي بتجي دورية وبيقولولي عطينا ورقة تثبت براءة المحل من الضرائب المستحقة عليه ...فأنا تلون وجهي وقلتلهم فكرتها كذبة نيسان !! ..وبعد أخذ ورد صدقوني ..واتصلت بصاحب المحل وخبرته أنه في ضرائب قديمة يترتب عليه دفعها ..وبالفعل أتى على وجه السرعة وتمت معالجة الموضوع ..