[د. ناصر شافعي]

سيرة الحب
من الشعر الغنائي - الشاعر : مرسي جميل عزيز

[align=center][table1="width:80%;background-color:purple;border:4px solid deeppink;"][cell="filter:;"][align=center]
سيرة الحب

طول عمري بخاف م الحب.. وسيرة الحب..
وظلم الحب لكل أصحابه
وأعرف حكايات مليانه آهات.. ودموع وآنين..
والعاشقين دابو ما تابوا

طول عمري باأقول : لا أنا قد الشوق.. وليالي الشوق..
ولا قلبي قد عذابه

وقابلتك إنت ولقيتك
بتغير كل حياتي
ما أعرفش إزاي حبيتك
ما أعرفش إزاي يا حياتي

من همسة حب لقيتني با حب..
وأدوب في الحب.. وصبح وليل على بابه

فات من عمري سنين وسنين
شفت كثير وقليل عاشقين
اللي بيشكي حاله لحاله
واللي بيبكي على مواله
أهل الحب صحيح مساكين

يا ما الحب نده على قلبي
ما ردش قلبي جواب
يا ما الشوق حاول يحايلني
وأقول له روح يا عذاب

يا ما عيون شغلوني
لكن ولا شغلوني
إلا عيونك إنت
دول بس اللي خدوني
وبحبك أمروني
أمروني أحب .. لقيتني با حب..
وأدوب في الحب.. وصبح وليل على بابه

[/align][/cell][/table1][/align]