[د. ناصر شافعي]

إلحق .. عروسة زي القمر ..!!

[ALIGN=CENTER][TABLE1="width:85%;background-color:red;border:4px solid crimson;"][CELL="filter:;"][ALIGN=center]
إلحق ..عروسة زي القمر !!
شعر زجلي : د. ناصر شافعي


عروسة زي القمر ..
ياكُتر خُطابها ..
عرسان بالكوم .. واقفين على بابها
الكل في انتظار .. بيفسروا سُكاتها !!

مين ياترى حيكون
نصيبها و حلالها ؟
رفيقها و سندها..
في صباها و شبابها ؟

مين ياترى حيكون
صاحب البخت الفريد ..
صاحب الحظ السعيد ..
فتى خيالها و أحلامها ؟

مين ياترى حيكون
حاصد الشرف المجيد ..
حامل اللقب الوحيد ..
فارس مناها و آمالها ؟

كاملة الأوصاف في جمالها ..
الشعر حرير ..
و الخصر نحيل ..
والوجه جميل ..
ياجمال طلتها .. و طلعتها ..
ياروعة ضحكتها وإبتسَامتها ..
يا محلا خلخالها و فستانها !!

شباب عشرات .. بيدقوا شباكها .
و كتير على استعداد .. ينتحروا علشانها
و حساد وعوازل يتكلموا عنها ..
بيقولوا فيها كلام وكلام
ياسلام .. ولا على بالها !!

سألت في حيرة ..
إيه سر روعتها و جمالها ؟
إيه سر رقتها و دلالها ؟
إيه لغز فرحتها وأمنها ؟
يكونش الأمير خالها!!

جاوبونى .. و قالوا :
بلاش دي سيرة !!
بطل حسد و غيرة ..
تقصد الأميرة ؟!

يعني منتش عارف ؟
والا منتش شايف ؟
.. طبعاً ورثها و مالها ..
عروسة زينة .. مالها ؟!

دي نسمة ..
دي نعمة ..
دي نجمة ..
ربنا يحفظ لها جاهها و جلالها ..

قلت بغيظ وضيق ..
ندمان على اللي جالها :

ياواخد النجمة على مالها ..
يروح المال .. و تبقي النجمة على حالها !!

د. ناصر شافعي – القاهرة 9 مايو 2010م.
[/ALIGN][/CELL][/TABLE1][/ALIGN]