[د. ناصر شافعي]

بافكَّر في اللي ناسيني
الشاعر الغنائي الراحل : حسين السيد

[align=center][table1="width:85%;background-color:burlywood;border:6px ridge purple;"][cell="filter:;"][align=center]

بافكَّر في اللي ناسيني ..

بافكَّر في اللي ناسيني وبانسى اللي فاكرني
وبَهرَب م اللي شاريني وبَدوَّر ع اللي بايعني

وادوَّر ليه على جرحي وصاحب الجرح مش فاكر
واقول يا عين ليه تبكي ما دام الليل ما لوش آخر

عذاب الجرح يحرمني من الدنيا ال انا فيها
وطول الليل يرجَّعني لدنيا كنتِ ناسـيها

اهجر حبايبي وخلاني وانسى قلوب عايشه عشاني
واروح أدوَّر على ماضي كان لي فيه يوم حب زمان
أشرب لوحدي كاس فاضي ، دايماً اشوفه كده مليان

حبيب القلب يا ناسيني .. يا فاكر قلبي بعذابك
لو انساك في يوم تلاقيني نسيت الشوق على بابك
بحبَّك يا قاسي واحب انشغالي في حبك وعهدك على القلب غالي
وياما الليالي عذابها شكالي وانت اللي عندي حبيب الليالي

صعبان عليَّ اللي نسيته لما قاسيت اللي قاسيته ويَّا اللي هاجرني
أتاري ذنبي اللي جفيته عايش في ظلم اللي هويته
بيخلصه مني
مظلوم لكن المقسوم مقسوم مكتوب لي أحب اللي ضناني
لا جفاه نسَّاني هواه ولا تاه حبي من فكر اللي هواني
بافكَّر في اللي ناسيني ..

[/align][/cell][/table1][/align]