السلام عليكم .. مجرد رأي
كلام من قلبي
كنّــا زمااااان.......!
.....
كنّـا زمااااان
أصحاب زمم ، كنّا الإمام
والقدس ساكنه في القلوب
وأي قضيه ماكات تنام
ناخد حقوقنا نقول آآمين
نزرع محبه نعيش سلام
مع كل ملـّه وكل دين
كنّـا الكيااااان
صونّـا الكرامه مزهّـرة
كنّـا الزعامه في المكان
أصحاب همم ماسكين زمام
الأمه بتصونها الشعوب
أهل الأصاله والعزيمه واليقين
عشنا حياتنا موقّـره
بالخوف من الله مافيش كلام
دايما يجدد نصرْنا ونعيش أمان
دلوقتي الخيبه معـقـّره
ساكنه القلوب ومكرره
من شعر رأسي للجنوب
والغوله عايشه مسيطره
ناهبه الشمال واكـْله اليمين
واحنا القرار يطلع ينام
حتي الكلام أصبح جبان
وبقينا أمه مشخشخه
سواعدها عايشه ملخلخه
شطار ونقسي في الخصام
توهنا وننسي كنّـا مين
سيبنا الفتن تطرح ذنوب
وبقينا أمه مدرْوخه
في الدنيا عايشه مرحرحه
رمينا الأقصي من سنين
نسينا فيه قيمه ومكان
ياما صرخ ولا حد قام
م الغوله خافوا ومرعوبين
طايحه وفينا مبجّـحه
ولانعترض ونقول حرام
أو همسه حتي بالأنين
دايما تشوط ونقول تمام
تضرب تبيد مهما اللي كان
نشجب وننكر باحتشام
تقتل نغمض في العيون
تفضل تزيد ومفضحه
نفوسنا هدتها الظنون
والقسوه باينه عالجبين
اللي يرد بصوت يبان
قوام يروح عالمشرحه
يا أمّه ليه القدس هان
سجنانا يسكنا الظلام
سقيانا مـُرّك والهوان
سيقانا بالخوف واللجام
مش خايفه رب العالمين.؟
قومي وعالجي كتير عيوب
عايشين حياتنا مجرّحه
والغوله دايسه مفضّحـه
إمته نفوق يرجع زمان
ننده ياأولي القبلتين
جايين بأمر الله عشان
مسري الرسول يصرخ حزين
ينده يقول يامسلمين
متخافوا إلا ربنا مهما اللي كان
قسيوا عليّ المجرمين
وانتوا نسيتوا من زماااان
إمته نفوق ياموحدين
قوموا نحرر قدسنا
يرضي علينا ربنا
يشفع لنا خير الأنام
............
أشكركم
وللجميع تحياتي