منتديات نور الأدب - عرض مشاركة واحدة - زجل مغربي تحت عنوان : ( هذا ما تقدر وكتاب علي )

20 / 02 / 2008, 10 : 04 AM

[align=center]هذا ما تقدر وكتاب علي .

مال ولفي مالو

هجر العش الدافي

وامشى بحالو

كولو لي ياناس كي اندير

حيراتني فعالو

لا عشرة كرات فيه

لامحبة ثمرات فيه

لهوى لي جا يديه

واش كاين شي حد بحالو؟

اللازمة

عوض الثوب العادي

لبستلو لحرير

وماذا اشريتلو

من نقرة وذهب انضير

الناس عايشة مرتاحة ومهنية

واخ على لحصير

وباش انريحو ونهنيه

شريتلو مضربة غالية وسرير

اللازمة

كون شفتو ياناس شحال كنبغيه

حامله على كفوف الراحة

مانبغي النسمة تآذيه

ولي طلبها وعين فيه

نتقاتل مع الزمان حتى نشريه ليه

اللازمة

سكنتو فقاع عيني

أنا نحافظ على عينيه

وهو عماهم لي

سكنتو فقلبي

كي ندير يا ربي

أنا نخاف عليه

وهو هجرو لي

اللازمة

كل مرة يديرها

ونكول ربي يهديه

ما بيدي حيلة يا ناس

راني كانموت عليه

اللازمة

لا حيلة مع الله

هذا ما كتاب علي

لحبيب لي حبيتو

ضحك الشمايت في

اللازمة

واش العيب فيها ولا في ؟

اتزوجتها بالصدق والنية

على لحلوة والمرة

وسمحات فالولاد وفي

وكالت : بغات تعيش بحرية

وضحكات الناس فيها وفي

اللازمة

فحياتها يتمات لوليدات

فيما سمعوا كلمة امي

ايعطيوها لبكى ولغوات

ويسولوني فين هي ؟

باش نجاوبهم يا ناس ؟؟؟

دارت الدنيا بي

ما بقيت عارف رجلي من الراس

ما حيلتي مع الزمان

ماحيلتي مع الولاد

ولا معاها هي

شوف ياربي من حالي

ياخالق لعباد

أنا راضي بلمقدر و راضي بالمكتاب

وراضي بما جرى لي

اللازمة

ياربي تهدينا وتهديها

وترجع العش الدافي

ما قدرت نسمح فيها

شافيها يا شافي

واغفر لينا وليها

واخ دير ما دير

وتقول المدونة تحميها

كثار لفاهمينها بالمقلوب

شحال منهم عايشين فالجنة

ومن نعايمها يتمتعو بها

انت تبغيهم يبقاو فيها معاك

وهما يحلفو يهجروك ويسمحو فيها

مني يسطحوهم لحيوط غدي يندموعليك و عليها

اللازمة

محمد محبوبي .

البيضاء . بتاريخ : 31/10/2005 .

ض[/align]

20 / 02 / 2008, 10 : 04 AM	رقم المشاركة : [1]
محبوبي ضيف	زجل مغربي تحت عنوان : ( هذا ما تقدر وكتاب علي ) [align=center]هذا ما تقدر وكتاب علي . مال ولفي مالو هجر العش الدافي وامشى بحالو كولو لي ياناس كي اندير حيراتني فعالو لا عشرة كرات فيه لامحبة ثمرات فيه لهوى لي جا يديه واش كاين شي حد بحالو؟ اللازمة عوض الثوب العادي لبستلو لحرير وماذا اشريتلو من نقرة وذهب انضير الناس عايشة مرتاحة ومهنية واخ على لحصير وباش انريحو ونهنيه شريتلو مضربة غالية وسرير اللازمة كون شفتو ياناس شحال كنبغيه حامله على كفوف الراحة مانبغي النسمة تآذيه ولي طلبها وعين فيه نتقاتل مع الزمان حتى نشريه ليه اللازمة سكنتو فقاع عيني أنا نحافظ على عينيه وهو عماهم لي سكنتو فقلبي كي ندير يا ربي أنا نخاف عليه وهو هجرو لي اللازمة كل مرة يديرها ونكول ربي يهديه ما بيدي حيلة يا ناس راني كانموت عليه اللازمة لا حيلة مع الله هذا ما كتاب علي لحبيب لي حبيتو ضحك الشمايت في اللازمة واش العيب فيها ولا في ؟ اتزوجتها بالصدق والنية على لحلوة والمرة وسمحات فالولاد وفي وكالت : بغات تعيش بحرية وضحكات الناس فيها وفي اللازمة فحياتها يتمات لوليدات فيما سمعوا كلمة امي ايعطيوها لبكى ولغوات ويسولوني فين هي ؟ باش نجاوبهم يا ناس ؟؟؟ دارت الدنيا بي ما بقيت عارف رجلي من الراس ما حيلتي مع الزمان ماحيلتي مع الولاد ولا معاها هي شوف ياربي من حالي ياخالق لعباد أنا راضي بلمقدر و راضي بالمكتاب وراضي بما جرى لي اللازمة ياربي تهدينا وتهديها وترجع العش الدافي ما قدرت نسمح فيها شافيها يا شافي واغفر لينا وليها واخ دير ما دير وتقول المدونة تحميها كثار لفاهمينها بالمقلوب شحال منهم عايشين فالجنة ومن نعايمها يتمتعو بها انت تبغيهم يبقاو فيها معاك وهما يحلفو يهجروك ويسمحو فيها مني يسطحوهم لحيوط غدي يندموعليك و عليها اللازمة محمد محبوبي . البيضاء . بتاريخ : 31/10/2005 . ض[/align] نور الأدب (تعليقات الفيسبوك)
محبوبي ضيف