[عبد الغني الراقي]

بـحر الزجل مَدى بلا حدّْ
من عمق أعماقنا مدّدنــاه
وْآمرْنا يْكون بْجزر ومــدّْ
وبْسفون ومْراكب زوّقْنـاه
تْموّْج و هاج وزْبد ورْغـد
تْغزّْل بْالسّما وذابت ف هْواه
-
فن الزجل ...أَبََا عن جـدّْ
شِعْر بْذاتو بْوجْهو وقْفــاه
بْروح وبْكَينونة ف الـمشهد
طْويّْر شادي يْرتّل مغنـــاه
ف جْبال وسْفوح باح وغـرّد
وحلّق وضْرب لُوتاد ف سْماه
وبسْمل وحـمدل وشهّــد
وسبّح صادْح ف رحاب الله
-
عبّرتْ وانْتَ عقّــب و ردّ
غُوص ف الـمعنى وعاين مبناه
حْروفنا زَجَل بقْوام وقـــدّْ
باعْ وْقامة وتيجان وجـــاه
شِعْر مْعطّر بطْيوب الــورد
فاض وفيضو عذب ومـحلاه
ما اقْترفْناه ..وعْصرْنا شهْـد
ف الـمهد رضّْـعْنا وبلّـلْناه
ف كرّاسْنا كتبناه بْلْعَسْجــد
وبْذهون روح العود عتّقنــاه
قْراه الكادْح واللِّي يـحـصد
ف قلب الأَبْـجَدي ربّعنــاه
ف كل صَوب ونادي يتْجـدّْد
وفوق لـمنابر ما بـهدلنــاه
و روْنقناه بْالـمحبّة وبالْــوُدّ
وفصّْلْنا القول وخيّطْنــــاه
وسخّرْنا اليَرَاع وتْجنّــــد
وشحدْناه سَهم وطوّعنـــاه
ف القوس صوّبناه مْســـدّد
و دْركْنا الـهَدَف وحقّقنــاه
حار لقلم لـحمر وتْـــردّد
وكيف يشطّب اللي كتبنــاه
؟
*****