الصحراوي مغربي ولد لبلاد
علاش التهداد ولاش لخواض
تاريخ الصحرا معانا خلق و معانا تزاد
علامنا ف الرمل مغروس
نبض قلوبنا ف جدر النخل مدسوس
تراب بلادي ، من طنجة لكويرة
بعينين الله محروس
الصحراوي مغربي ولد لبلاد
المسيرة الخضرا قادوها لسياد
بأقدامهم حفروا أرض لجداد
تبثوا الحجرة و الشجرة
قبلوا النخلة و الثمرة
رفرفت عالي-عالي رايتنا الحمرا
جارتنا معزتها بين السطور مدفونة
السماسرية ولاد المغبونة
كاتمين لسرار
ناقشين اللواح بمداد الغيار
حتى سار لي سار
بينا و بين أغلى جار
صبرنا فات لقياس
لكن اليوم ايدينا ف ايديك
يا خويا الصحراوي
نقيوا السوسة من لضراس
نحميوا الحدود
نبنيوا الساس
ليك يا مغربنا لعزيز
نرفعو الراس