العراق المظلووووم...

احمدالطيب · 15 / 09 / 2011, 17 : 02 AM

يريدونك تضيع وانتة نور بليل *** وتموت من العطش يالماي يردونك
ويضيعونك عجيب وانتة مثل الريح *** وين بيا مكان اتضيع يلكونك
مشوك بدرب ما مات جدمك بيه *** وحتى اتضيع كلش شدو اعيونك
وغشو عينك وايدك مزنجلة ومجتوف *** تهد هدة اسد لو ناس ينخونك
يل المغفي الجمر منقلة وبيك اتنام *** وهمة رماد موكة ما يجوونك
اذا ظمك طلعته وظل وراك ايحوم *** ابد لتخاف منهم ما يظلمونك
عاشرنة التعب والاه والحرمان *** كلها لخاطرك ولخاطر اعيونك
صرنالك جسر للنجم عبرناك *** وصغنة من الحزن ضحكات لعيونك
تعلكنة قطع سودة وعليها ارواح *** ما جنة قطع لا كحله لعيونك
يردونك صبخ والملح ياكل بيك *** ويردونك تبور وما يزرعونك
ويردونك تجف والماي يطلب ماي *** ويردونك تنام وما ينهدونك
ما يدرون عركك بالارض ميموت *** ترد تحيه وتعيش شما يكطعونك
ذاك حسين حي وصير انتة مثل حسين *** بالشدة الخريطة اتصير ميمونك
يااااا مدري شوصفك شرد اكولن بيك *** عراق والعمر ما يسوة من دونك
ليلى انتة صرت والمثل ما ينقاس *** وشعبك من محبتك صار مجنونك ...

فاطمة البشر · 18 / 09 / 2011, 16 : 12 PM

سيبقى العراق شوكة في حلق الغاصبين ....
تشكر جهودك سيدي
ودي ووردي

Arouba Shankan · 18 / 09 / 2011, 04 : 05 PM

[align=center][table1="width:95%;background-color:white;border:2px groove darkred;"][cell="filter:;"][align=center]والله إنك غالي يالعراق ،،وبعيون اللي يضحون لأجلك شمس ما ينطفي نورها
وبقلوبنا نحن باقي ،بوابة الشرق منذ الخليقة ،،وسيف عربي أصيل يطعن
كل من طمع فيك

وتحية عربية[/align][/cell][/table1][/align]