[نصيرة تختوخ]

جــدع معـلـم قــال **** لخـالـتـك ام هـــلال
شوفي لنـا بنـت حـلال **** تكـون لطيفـة و عـال

بنـات كتيـر حلـويـن **** عنـد اهلهـم قاعـديـن
ما بين طبيـخ و عجيـن **** و بخـتـهـم بـطــال

عايزهـا لحـم فصـوص **** مش عود قصب ممصوص
و محربقـه بعصعـوص **** و عامله روحهـا غـزال

عايـز قــوام يتـهـز **** إن دزيـتـيـه يـنــدز
و ف كـل مفصـل حـز **** يـفـكـرك بــهــلال

عايـز نتايـه صحـيـح **** من ربـع شمـع تسيـح
مهـوش بشكـل قبـيـح **** لـكـن بــذوق و دلال

عنـدك بنـات جمـالات**** مقلوظـيـن نـتـايـات
و دمـهـم شـربــات **** يسكـر نسـا و رجــال

تحققـي فــي الـزيـن **** البنـت ترخـي العـيـن
دي مهـرهـا ألـفـيـن **** أحطهـم فــي الـحـال

أما اللي عاملـة سبـور**** و جـدهــا بـلـفـور
و عايـزه واد دكـتـور**** خسـارة فيهـا ريــال

و لا اللـي عاملـة إلـه **** و شعـرهـا قـصــاه
و بأكسجيـن صابـغـاه **** دي تجـلـب الإسـهـال

و ان جبتي واحده بكرش **** من الحمير مـا تغيـرش
مانيش واخدهـا بقـرش **** و احـط فوقهـا شـوال