|
|
||||||||
 |
 |
|||||||
|
||||||||
|
||||||||
|
02 / 03 / 2008, 23 : 07 AM
|
رقم المشاركة : [1] |
|
ضيف
|
خاطرة من الزجل المغربي تحت عنوان : " القوام الحكارة "
القوام الحكارة . شافوني الحكارة فالخدمة حادر عيني وحاني الراس ما فاهمينش بلي السبولة واخ محنية بخيرها وقوي ليها الساس كالوا فنفوسهم دغيا نكركبوه وانغبروه علينا ويتساس وانبيعوا بلاصتو ليدفع لينا بلا حساب وبلا قياس ماذا منهم باغي غيريوصل ولو يكون على حساب وتعاسة الناس هكذا شي ناس فالحرفة لاثمارة فيهم لامشاعر لا إحساس واش كاين فهذ الدنيا شي فلاس اكثر من هذ الفلاس ما عرفوش بلي لحمي مر مايتكل ليهم بالساهل ما يتقاس بحال الطير الحر ما يرضى يكون سجين لقفاص ما يرضى بالحبس ولو يكون مرصع بالياقوت والماس انفضل انعيش على الكفاف والعفاف والغنى عن الناس والى تمدات يدي لماشي لي نحكم عليها بالقطيع ولا التهراس وبلي واخ ساكت وصابر على لما يعجبني راني قوي الشكيمة وشديد المراس وغير بالكلمة الصادقة انحاربهم وياما كانت الكلمة اقوى من المدفع والرصاص ناس واش من ناس ما عندهم من تإنسانيت غير السمية اتبلينا بهم فهذ الخدمة الطاهرة ، لارقيب عليهم لا عساس انحاسي غبرتو فنقيرة صافية والقوم الحكارة تبقى مجرد صدى على النحاس الناس الحرة تبني فوطانها ولصروحها تعلي والحكارة يهدموا ما بناو سيادهم بلا عتلة بلا فاس مني اينعسوا الناس لبالهم مرتاح ومهني كانتعجب كيفاش ايجي الحكارة النعاس احفظنا ياربي وقنا من شرهم انت عالي وعالم وحد علينا لبلى والباس . محمد محبوبي البيضاء بتاريخ :16/07/2005 . نور الأدب (تعليقات الفيسبوك) |
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ترجمة خاطرة "في الليل" للأديبة عروبة إلى الفرنسية | رشيد الميموني | ترجمة الأعمال الأدبية والخواطر | 8 | 29 / 01 / 2017 33 : 12 PM |
| ((( قراءة سيميائية في عنوان قصيدة " سَنَابِكُ النُّور"))) / عبدالحافظ بخيت متولي | عادل سلطاني | هيئة النقد الأدبي | 2 | 24 / 03 / 2013 54 : 08 PM |
| خاطرة من الزجل المغربي بعنوان : " عــــــــــيد لـــــــــــــــكبير " | محبوبي | فضاءات الزاجل والنبطي والشعبي | 1 | 29 / 09 / 2010 22 : 10 PM |
| خاطرة من الزجل المغربي بعنوان : " رد على : هذا ما تقدر وكتاب علي " | محبوبي | فضاءات الزاجل والنبطي والشعبي | 0 | 04 / 03 / 2008 46 : 03 AM |
| خاطرة من الزجل المغربي تحت عنوان : ثروة بلادي . | محبوبي | فضاءات الزاجل والنبطي والشعبي | 0 | 21 / 02 / 2008 45 : 04 AM |
الساعة الآن 47 : 10 PM
 |
