|
من أزجال حسين بيكار (4)
من أزجال حسين بيكار (4) فنان تشكيلي و صحفي و زجال مصري راحل لغز إسمه الحياة الطفل .. والشاب .. والصبي .. والعجوز حروف في سفر الحياة .. زي الألغاز و الرموز ومش كل حفرة ف طريقك تلقاها مليانة كنوز ومش كل أمنية في حياتك تتحقق لما تشتهي و تعوز الكون العجيب الدنيا كورة مدورة .. بريشة فنان متصورة ساعة مضلمة .. وساعة منورة طول عمرها بتمشي لقدام ... ومش ممكن ترجع ورا ... ! هكذا الإنسان في دنيا الرحم ياابن آدم عديت من الشهور تسعة وفي دنيا العذاب جيت .. عشان تشقى وعشان تسعى وليه ماليك الغرور مادام ما تستحملش م الناموس لسعة وليه ماترحمش العباد .. مع إن رحمة ربا واسعة سؤال بلا جواب من جهله كان فاكر ان السعادة في الغنى و راحة البال سأل الحكيم : ليه واحد مش لاقي اللضا .. والتاني عنده ميت فدان ؟ وليه واحد لحافه حرير .. والتاني نايم في الخلا بردان ؟ وليه الحظ أعمى .. بيدي الحلق للي مالهش ودان ؟ قال الحكيم : صبرك يا ولدي .. ده كل وقت وله أدان !! ذهاب بلا عودة مسافر بقلي زمان .. وشايل شنطتي وتايه بين البلدان .. مش لاقي محطتي لا قادر أقف مكاني .. وأغير خطتي ولا قادر أرجع ورا .. علشان أصلح غلطتي ساعة الامتحان النجاح ياابني مش مسرح ولا سيما تدخلها بتذاكر عشان تنجح , لازم تسهر الليالي الطويلة وتذاكر واللي يعلمك حرف اذكره.. وخليك للجميل فاكر ده فضله عمره مايتنسي , وملعون اللي للجميل ناكر إفعل ولا تفعل ياللي عايش حياتك محار بين الخطأ و الصواب وبتسأل على معنى الحلال و الحرام , ولا أنت لاقي جواب الجنة باب مفتوح .. لا فيه حارس ولا بواب للي يطهر من الذنوب قلبه .. وربك للعباد تواب منتهى السياسة نصيحة لله .. لو تهاجمك رياح الغضب وتحاول تدمير حياتك .. وتنهش العضام و العصب غني واتمايل مع الريح زي عود القصب ده عود الخيرزان لو ينتني عمره ما ينكسر واللي ينقطم من عناده .. عود الحطب من التراب للتراب نصيحتي يابني .. لا تجري .. ولا تمشي على مهلك وأضحك قوي للدنيا .. عشان الدنيا تضحك لك وابعد عن رفاق السوء , حتى لو كانوا من أهلك ولو صابك في يوم الغرور .. إفتكر إن التراب أصلك تحياتي . د. ناصر شافعي . من أزجال حسين بيكار. |
رد: من أزجال حسين بيكار (4)
فعلا أزجال فيها عمق و حكمة.
تحياتي لك دكتور |
رد: من أزجال حسين بيكار (4)
أختيارات موفقة يا دكتور عشرة على عشرة .
شكرا لك دمت بخير. |
رد: من أزجال حسين بيكار (4)
لله درك يا دكتور
تأبى إلا أن تثير فينا كل الخواطر الجياشة باختياراتك الرائعة دمت لنا ولنور الأدب , ولك جزيل الشكر و بالغ التقدير |
رد: من أزجال حسين بيكار (4)
اقتباس:
الأستاذة القديرة نصيرة تختوخ : السلام عليكم ورحمة الله وبركاته أشكرك وأتمنى أن تحوز إختياراتي من الزجل و الشعر والأدب , على إعجاب سيادتكم . |
رد: من أزجال حسين بيكار (4)
اقتباس:
|
رد: من أزجال حسين بيكار (4)
اقتباس:
الأستاذ القدير حسن الحاجبي: السلام عليكم ورحمة الله وبركاته دائماً تنير نصوصي بمشاركاتك المضيئة الجميلة .. متعك الله بالصحة و العافية . أخوك ناصر شافعي |
رد: من أزجال حسين بيكار (4)
شكراً دكتور ناصر الشافعى
على اختياراتك من ازجال الفنان الشامل حسين بيكار الذى قرأت له كتاب الرسم بالكلمات الذى يمكن تحميله من هنــــــــــــــــــــــــــــــــــــا كل تقديرى واحترامى |
رد: من أزجال حسين بيكار (4)
اقتباس:
إبنتي العزيزة آمال حسين : السلام عليكم ورحمة الله وبركاته أشكرك على كريم تعليقك وعلى الكتاب .. أنا أحتفظ بأزجال بيكار و صلاح جاهين و بيرم التونسي وغيرهم من كبار الزجالين في أوراقي الخاصة منذ سنوات عديدة , والتي أتشرف بنشرها هنا في المنتدى لفائدة السادة القراء ولإضافة مزيداً من المتعة الأدبية , والفائدة الزجلية للمبتدئين . تحياتي و تقديري . د. ناصر شافعي |
رد: من أزجال حسين بيكار (4)
اقتباس:
مساء الخير دكتور ناصر جميل تعليقك وأسلوبك الرائع أجبرنى على الدخول مرة ثانية للموضوع أسفه عند وضعى لتحميل الكتاب قصدت به منفعة عامه لأان الكتاب صفحاته عددها قليل وقيم فى محتواه كما تعلم وطبعاً عندما تأتى بأزجال حسين بيكار فأكيد عند حضرتك المجموعة كلها للزجالين المشاهير مثل صلاح جاهين والعظيم بيرم التونسى على فكره زوقك فى القراءه يشابه ميول وزوق بابا وتقريباً الهوايات ......... كل احترامى وجم تقديرى لحضرتك وأرجو ألا أكون أزعجتك |
رد: من أزجال حسين بيكار (4)
إبنتي العزيزة آمال حسين : السلام عليكم ورحمة الله وبركاته يشرفني و يسعدني أن يكون ذوقي و هواياتي مثل والدك .. بارك الله فيكِ . |
رد: من أزجال حسين بيكار (4)
مع تحياتي
و تقديراتي |
| الساعة الآن 19 : 02 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية