|
ديوان أغنيات فلسطينية - شعر محكي - طلعت سقيرق
2 مرفق
[align=center][table1="width:100%;background-image:url('http://www.nooreladab.com/vb/mwaextraedit4/backgrounds/28.gif');border:4px double gray;"][cell="filter:;"][align=center]
أغنيات فلسطينية شعر محكي الطبعة الأولى 1993 طلعت سقيرق [/align][/cell][/table1][/align] |
رد: ديوان أغنيات فلسطينية - شعر محكي - طلعت سقيرق
يا أبناء الأرض [align=justify] يا أبناء الأرض انتشروا ....دقت أجراس الميلاد ْ ضموا السهل الجبل انهمروا ....خطوتكم نبض الأعيادْ يا أبناء الأرض اندلعت ....خيل قدت من أحجارْ فارسها كف وانتصبتْ ....شدت هبت شعلة نارْ يا أبناء الأرض التموا .... ناي الشمس على الأبواب ْ شدوا السيف التحموا انضموا .... قامتكم شجر وحراب ْ نادتكم والتحمت فيكمْ ....غزةُ والقدسُ وبيسانْ فجر فلسطين أغانيكمْ ....ولكم في غدها الألحانْ يا أبناء الأرض اقتربوا ....وعد الشمس لكمْ أفراحْ خطوتكم نور فاقتربوا ....شجر خطوتكم وصباحْ تأليف طلعت سقيرق [/align] |
رد: ديوان أغنيات فلسطينية - شعر محكي - طلعت سقيرق
بيوم الثامن بيوم الثامن من كانونْ ...... كانــــــون الأولْ طلع الفجر زنود عيونْ ......والـزمــن تـحــولْ انتفاضهْ ... انتفاضهْ ... صرخةْ نهار ضد الظلامْ ......صرخــة نهـــــارْ سيفْ انتصارْ هُوَ الكلامْ ......ســيـف انـتـصـارْ وياشعبي ثوره شعبيهْ ......حجر ومولوتوف وشبريهْ نتحدى الظالم ونرده ْ ......وزنودك ياشعبي قويــهْ ياشعبي ثورة ممتدهْ ......ضد المستعمر مشـتــدهْ نحارب ونقاتل ونصده ْ ......بغير الحرية مانهـــد ي ياشعبي ثورة هدارهْ ......وأبطالك غارة ورا غـارهْ ليل المستعمر منهدهْ ......وشموسك تـطـلع نـوارهْ طلعت سقيرق |
رد: ديوان أغنيات فلسطينية - شعر محكي - طلعت سقيرق
موال / إحنا الفلسطينيات إحنا الفلسطينيات مهرنا غالي .....ما منوخد غير الشب ْاللي جبينو عالي ما منوخد غير الشب اللي بيحمي أرضو .....واللي كل حبة تراب هي دمو وعرضو إحنا الفلسطينيات مهرنا معروف .....وبين كل الناس مشهور وموصوف ْ ما منوخد غير الشب اللي روحو على كفو .....اللي بتحدى الموت مهما العدا اصطفوا إحنا الفلسطينيات بنات ذات الهمهْ .....مهما الحرب تشتد بتزيد عنا الهمهْ وحياة كل حبة تراب لنرد الأعادي .....ومهما طلبت الدار بنعطيها وزياده إحنا الفلسطينيات مامنهاب الردى .....جنب رجالنا ع طول بالحرب والفدا ياالله ياأهل البلد خلو الإيد ع الإيد ْ .....زفوا الأرض للشمس وملوا العرس زغاريدْ طلعت سقيرق |
رد: ديوان أغنيات فلسطينية - شعر محكي - طلعت سقيرق
زفوا العروس زفوا العروس وزغردوا وعلوا الفرحْ صرلي عمر ناطر وموالي انجرح ْ أحلف يمين وياهلي قلبي اندبحْ عاشق وشمس بلادنا هي الدوا ريحة ترابك يا أرض مسك ابتسمْ دمي يصلي وكعبتو فوقك علم ْ زفوا وخلو السهل يرقص للقممْ وناي الشجر يحلف بهمتنا سوا زفوا العروس وزغردوا = شمس البلاد بتسعدو العرس الفلسطيني ابتدا = زغروده يمه وزغردوا مااحلاك يا بنت الأصلْ = إيدي ع إيدك تكتمل ْ نمشي نحرر أرضنا = بيوم النصر لم الشمل ْ نمشي يا خلي والوطنْ = يشهد علينا والزمن ْ نعطي ونكتب حبنا = ثوره بتتحدى المحنْ والله يا بنت البلدْ = حب الأرض هو السندْ نفدي نقدم روحنا = والدم شلال ومدد ْ ياخلي درب محددهْ = إيدك ع إيدي نفتدي نقاوم ونرسم شمسنا = ونكسر جنود المعتدي طلعت سقيرق |
رد: ديوان أغنيات فلسطينية - شعر محكي - طلعت سقيرق
كل الطرقات هي ..هي .. هي . يا يما....جينا جينا كل الطرقات يا يما....بتنادينا شعلة غضب نار ولهبْ....يا فلسطيني سيف وعلى الباغي انتصبْ....يافلسطيني سلاحْ الحجرْ لما انتشرْ....يافلسطيني صار الصخرْ يقدح شررْ....يافلسطيني فجر انتفاضه وابتدا....يافلسطيني عرس البطولة والفدا....يافلسطيني هي .. هي .. هي .. يا يما....جينا جينا كل الطرقات يا يما....بتنادينا عزمك صخر عزم الجبلْ.... يا فلسطيني إيدك بيوتك والسهلْ....يا فلسطيني طلعت سقيرق |
رد: ديوان أغنيات فلسطينية - شعر محكي - طلعت سقيرق
يا غربان الليل يا غربان الليل ارتحلوا = جاء نهار جاء نهارْ مهما كنتم لا لن تصلوا = أرض الثورة للثوارْ جئنا من نبع الشهداءْ = نسقي الكرمة وعد الدمْ نطرد من وطني الغرباءْ = نمسح عن جبهته الهم ْ قسماً بعظام الأجدادْ = بتراب يسطع بالنور ْ سنحطم قيد الجلادْ = وسنرجع ضحكات الدورْ قسماً قسماً بالأحلام = بالشمس ونبض الأشجارْ تمضي كما شئنا الأيام = نصنع مجداً ضوء نهارْ يا غربان الليل ارتحلوا مهما كنتم لا لن تصلوا لا لن تصلوا .. لا لن تصلوا طلعت سقيرق |
رد: ديوان أغنيات فلسطينية - شعر محكي - طلعت سقيرق
يا أم الشهيد [align=justify]يا أم الشهيد والدم الغالي الغالي مشينا الطريق وبيرقنا عالي عالي نحلف بدرب الشمس لا .. مامنتراجع ْ نحلف بالدم الغالي لا .. ما منتراجعْ سيف فلسطين يا صخر من بلادنا دم الشهيد يا أمانه بأعناقنا نحلف يمين بالقدس وغزه وحيفا نمشي الطريق ورايتنا الشمس وسيفا إحنا انتفاضة أرضنا .. مامنتراجع إحنا انتفاضة حقنا .. مامنتراجع يا أم الشهيد والدم الغالي الغالي مشينا الطريق وبيرقنا عالي عالي [/align] طلعت سقيرق |
رد: ديوان أغنيات فلسطينية - شعر محكي - طلعت سقيرق
طرحة فدا زفوا العروس وللوطن طرحة فدا مهر الأصيله بأرضنا نرد العدا مالت علي وصوتها قلبي ارتدى قالت يا خِلّي دمنا لبلادنا مالت وزندي الأرض وصمود الشجرْ كل البيوت الواقفة بوجه الخطرْ سيف الفلسطيني صموده والحجرْ واحلف بحبك عرسنا في نصرنا طلعت سقيرق |
رد: ديوان أغنيات فلسطينية - شعر محكي - طلعت سقيرق
ما أحلى الحجر ع الشوملي ع الشوملي امتدي يا ثورتنا اشعلي ما أحلى الحجر يقدح شررْ والزند يقدح مرجلهْ ع الشوملي يا بيوتنا هبه وزنود ومعركهْ يا سهولنا ويا جبالنا ردي العدا يا أرضنا حتى لشمسك توصلي ونار انتفاضة مباركهْ الأقصى ودياري بتشتكي غير النصر ما في طلبْ غير الحجاره ما إلي ع الشوملي وعهد انكتبْ إحنا انتفاضتنا لهبْ والأرض إلنا يا هلي طلعت سقيرق |
رد: ديوان أغنيات فلسطينية - شعر محكي - طلعت سقيرق
خيلي وخيلك خيلي وخيلك ياخيالْ وقفة عز وعزم جبال ْ الأرض بتطلب واحنا نسدْ بتعطي ولاد منعطي رجال ْ حبك والله يافلسطينْ خلا أولادك فدائيينْ صمدوا بساح الحرب وهبوا وثاروا ضد المحتلين ْ تشهد علينا الأزمانْ رجال وأطفال ونسوان ْ مشينا الدرب وما منكِلْ وبالدم الحق بينصانْ خلي العالم كله يشوفْ وجه الغاصب ع المكشوف ْ ويعرف كيف الحجر اتصدى وما خاف البطش المعروفْ حجر وإحنا إيد بإيدْ نعلي نهار ونعطي نزيدْ ما منبخل والأرض تنادي يا أولادي بكره الزغاريدْ طلعت سقيرق |
رد: ديوان أغنيات فلسطينية - شعر محكي - طلعت سقيرق
طلع الفجر طلع الفجر علينا.... طلع الفجرْ شمس ومن إيدينا.... شمس النصرْ شعبك يافلسطين.... صامد مابلين ْ ماشي والله ماشي.... للنصر المبين نحلف بالبيارهْ.... والقرية والحارهْ وزنود الجبارهْ.... للنصر ماشيينْ نور الحق بيسطعْ.... من رايتـنا بيطلعْ وكل العالم يسمعْ.... إحنا فدائيينْ مامنهاب الغاصبْ.... منقاتل ونحاربْ بنار الزند الغاضبْ.... بحجارهْ وسكاكينْ [/align] طلعت سقيرق |
رد: ديوان أغنيات فلسطينية - شعر محكي - طلعت سقيرق
[align=justify]
يوم النصر زفوا العروس وللعرسْ = فارس بسيفو والترسْ وصلت إيدينا للشمسْ = أرضك فلسطين الهنا زفوا يا أهلي وزعردوا = النصر هل بموعدو علوا الأغاني ورددوا = وخلوا البيوت مزينهْ غزة تعانقها صفدْ = والقدس تضحك للبلدْ أرضي يا أغلى من الولدْ = نلنا وحققنا المنى قلبي ماعاد بمطرحو = حبك ياأرضي مرجحو عاشق عينيك بتدبحو = ولمسة إيديكِ حنينا عاشق ودمعي من الفرحْ = وردة على الأرض انطرحْ قلبي فلسطين انشلحْ = ريحة ترابك عمرِنا طلعت سقيرق |
رد: ديوان أغنيات فلسطينية - شعر محكي - طلعت سقيرق
مافي خوف مافي خوف [align=justify]مافي خوف مافي خوفْ = الحجر صار كلاشنكوفْ بإيدك ياشعب فلسطينْ = والحكي مش متل الشوفْ مافي خوف مافي خوفْ أرضك يابلادي من نارْ = ضد المحتل الغدارْ حجارك رملك مياتكْ = بتصرخ إرحل يااستعمارْ مافي خوف مافي خوفْ إضرب إضرب هالمحتلْ = بكره الحريه بتهلْ ومنزرع أرضك يافلسطينْ = أعراس وزينات وفلْ مافي خوف مافي خوفْ طلعت سقيرق |
رد: ديوان أغنيات فلسطينية - شعر محكي - طلعت سقيرق
يا ثورتنا امتدي [align=justify] ياثورتنا امتدي .. امتدي شعلة غضب ولا ترتدي أرضي السمرا .. صارت جمرهْ حجارهْ ونار وغضب وثورهْ ياثورتنا امتدي .. امتدي شعلةْ غضب ولا ترتدي حجر وإيد الشعب الماردْ شعبي الصامد .. صامد .. صامدْ ياثورتنا امتدي .. امتدي بكره الفجر بيطلع شدي ولا ترتدي .. امتدي .. امتدي طلعت سقيرق [/align] |
رد: ديوان أغنيات فلسطينية - شعر محكي - طلعت سقيرق
حجري الفلسطيني [align=justify]الأرض بتنادي = إيديكو ع زنادي طلقه في وجه الليلْ = همتكو يا اولادي صوت الفجر عالي = نورو روى تلالي شعشع صباح الخيرْ = من دمكو الغالي حجري الفلسطيني = من وقفتو رويني لا ينحني ما دامْ = إنتو شراييني يا أهل البلد هموا = ضموا الحجر ضموا ثورتكو فجر الخير = إرموا العدو إرموا حجري الفلسطيني = أسمر وحطيني لا ينهزم ما دامْ = إيديكو مرتينهْ طلعت سقيرق [/align] |
رد: ديوان أغنيات فلسطينية - شعر محكي - طلعت سقيرق
يختلف (الخطاب) الثوري عن زخم (الشعر الوطني) ووهج حماسه..
الشعر الوطني يحرِّك فيك كامن جمال الحماس، ويصيِّرك فارساً حقيقياً: كلمتك نور، وطريقك نور، وعزمك نور. وكذا (الأغنية) الحقيقية و(الموال) الحقيقي..يكلمك بلغة تعرفها، لأنك تنطق بها، لكنه يأخذك إلى أجوائه بكلام عال ،فتحس أنك تسمعه لأول مرة، وهذا سر روعته وخلوده واستمراريته، وجماله. نعم..الصدق يثمر صدقاً أبدياً، وعوالم لا تنتهي من الجمال ودعوات الخير. ورحم الله الراحل الباقي ،ونحن على وضيء العهد باقون. |
رد: ديوان أغنيات فلسطينية - شعر محكي - طلعت سقيرق
المحكي كما الفصيح..كلاهما من معين واحد !!! رحم الله الراحل الحي طلعت...شكرا لك أختي الأستاذة الأديبة هدى على ما عرضتِ من روائع أخي طلعت ـ عليه رحمة ربي ـ
|
رد: ديوان أغنيات فلسطينية - شعر محكي - طلعت سقيرق
شكرا أ. هدى على نقل هذه الروائع الثائرة في وجه العدا لا حرم الله المرحوم طلعت الجنة اللهم إنا نسألك في هذه الليلة المباركة ( ليلة القدر) أن ترزقه الجنة و نعيمها |
رد: ديوان أغنيات فلسطينية - شعر محكي - طلعت سقيرق
رحم الله الفقيد الغالي ..
كلمات تتأجج عنفوانا .. وتعابير تبعث الحماسة في تلنفوس والقلوب .. كان ولا يزال صوتا من أصوات فلسطين التي لا تنجب إلا الأبطال . |
رد: ديوان أغنيات فلسطينية - شعر محكي - طلعت سقيرق
أغنيات حروفها من ذهب سطرت باصابع من الماس هكذا عودنا ربان سفينة نور الادب الغائب الحاضر ستبقى في قلوبنا ووجداننا يا شاعرنا الغالي طلعت سقيرق شكراً لك يا غالتي أستاذة هدى على هذه الروائع |
| الساعة الآن 38 : 11 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية