|
مساجلة ،زجلية،
المتهم البريء
بريء تهموه بحبال طويلة كتفوه شاهد الزور سمعوه حكموه متهوم سلموه ف الحبس سجنوه يا ناس ظلموه حريتو سلبوه ف حياتو عقدوه يتبع... |
رد: مساجلة ،زجلية،
قْدامْ القاضي وَقْفوه مَذْهولِ ما عْرَفْ ما يْقولْ كْثَرْ اللْغَى واللْغيطْ مَنْ حَرْ الصَدْمة مْغَيَّبْ ما قْدَرْ يٍفيقْ سَأْلوهْ.. سْأَلْهُمْ بْغٍيتْ نَعْرَفْ عْلاشْ مَنْ فْراشي جَرّوني ضَرْبوني واتَّهْموني و شَبْعوني تْسَرْفيقْ الجاني سَلَّكْها فْلوسْ كَبْشْ الَفْداَ عَلْقوني بْسْكاكَنْ ماضْيَة سَلْخوني يا لْعالي شوفْ مَنْ حالي وْحالْ لَمٍيمَة تَبْكي وْ تْشالي راهْ وْليدي مَرْضِي وُ ما فيه عَيْبْ الصَيادْ نٍيْتُه عَوْجَة طَيَّحْ وْليدي فْ مْصيدَة ضْرَبْنا بْجوجْ بْجْويجَة شرح الكلمات اللْغَى: اللغو واللْغيطْ: اللغط بْغٍيتْ نَعْرَف: أريد أن أعرف عْلاشْ: لماذا جَرّوني: سحبوني و شَبْعوني تْسَرْفيقْ: أشبعوني ضربا على الوجه سَلَّكْها فْلوسْ: تنصل من الجريمة بالرشوة الَفْداَ: الفداء بْسْكاكَنْ ماضْيَة: سكاكين حادة تْشالي: تلوح بيديها عَوْجَة: غير صادقة طَيَّحْ وْليدي: أطاح بابني بْجوجْ : نحن الإثنين بْجْويجَة: ببندقية |
رد: مساجلة ،زجلية،
المسكين يبقى ف القلب
ورا القضبان بات معذب التهمة ليه كانت مقصودة ف سوايع معدودة نزلو الباطل عليه الشهود كاع هربو عليه قلوبهم حجر واخا شافو ميمتو ف الأرض من حر الفقصة ممدودة زمان واش من زمان الثقة عادت فيه مفقودة |
رد: مساجلة ،زجلية،
زيدو وعطيه طاق طاق طرطلاق صاق صاق صرملاق كيفاش أنت في الشبكة وعينيك محنززين..؟! كيفاش .. أنا راني راجل درويش!! وما قاد على تكرفيس يدي مقهورة وعيني محدورة ولي وقع لي بسباب .. قلة الشي ونفسي طْمّاعة كلت مع راسي .. آش فيها إلاَ خرجت مع جْماعة وطالبت "بشي شوية الزيادة" ..!! -أتمنى ألا تكون مساهمتي ... قد انعطفت منعطفا ... يجر إلى القفص الحقيقي - ( ابتسامة ) |
رد: مساجلة ،زجلية،
التهمة أنا بعيد اعليها دافعت على نفسي ما سمعوني كحالت الدنيا ف عيوني دوقوني كل انواع لعذاب قالوا بغاوني انكر= أعترف وباللي مخبي السر وانا عشت احياتي انسان حر غادي ف طريقي راسي عريان ما كاين ما يتخبى قلبوا لي على السبة دخلوني للسلة الله ياخد فيهم الحق نزلوا اعليا الباطل خلاوني ف دوامة حاصل لبسوني لباس الحبس حلقوا لي شعري اعطاوني نمرة لصقوها على ظهري حسبت ليام والشهور اللي اطوالت لصحاب ليا انسات وغابت احلامي اللي ابنيت اتهدمت و رابت نفسيتي قتلوها ماتت كرامتي اتهانت السوايع اتقالت رحمة الله ترجيتهاف كل الأوقات تبان براءتي ونعيش الحياة. |
رد: مساجلة ،زجلية،
مابين الحق والباطل ربع صباع.. الحق، مات وشْبعْ مُوتْ.. الباطل، وَلدْ وشبعْ خُوتْ.. الحق، مات عزري.. شهود الباطل، كفنوه ملي كان دري.. عزاوني فيه .. بكاوني فيه.. المصيبة... حضرو أهل السماع... |
رد: مساجلة ،زجلية،
تلمو لمة الجماعة سيرْتي ف الكاعة دْرَّاوْها طَحْنوها كلامهم دقيق صافي خَرْجوني نخالة كثر القيل والقال هو اللي جابها لراسو آشْ الدَّاه يدير يَدو فْ لَعْصيدة |
رد: مساجلة ،زجلية،
قالوا ايديه ف لعصيدة
ألفو عليه قصيدة آش قالوا زين مو خان ولد عمو ناس الدوار بغاوها فيه شافوا الظلم و سكتوا عليه كتموا الشهادة من يد الظالم واخذين اللعاقة خسارة الدرويش منعوه من العيش ف الكاشو لاحوه يتصنت لبرودة الضس و قلة القس شرح الكلمات: اللعاقة : التدويرة يعني النقوذ لكتم الشهادة الكاشو : السجن يتصنت لبرودة الضس يعني استسلم لبرودة الأرض القس : الأكل |
رد: مساجلة ،زجلية،
يتصنت لبرودة الضس وقلة القس عقلو شارد قلبو بارد لمن يحكي قصتو المبهومة وسط حيوط مشؤومة شاهدة على حكايات ناس مظلومة وهو ف الحبس اسمع اخبار موت الميمة اللي ماتت بالحسرة اجمع مسكين الوقفة ضارت بيه الدنيا حس بالضوخة قال مع راسو واش أنا ف حلم ولا ف علم نزلت من عيونو ادموع اتكب ولدت امراتو ما شاف اعويناتو طالت ايام لفراق طلبت مراتو اطلاق |
رد: مساجلة ،زجلية،
فتيحة حاولي على المتهم راك جمعتي ليه حب وتبن (إبتسامة) |
رد: مساجلة ،زجلية،
احكم احكم يا القاضي
راعي مولاك فلحكام من غير الله لا تراضي وعمل بحساب ليام لو كان تدوم يا القاضي دامت لشلا قوام ملكو لقصور والرياضي ظنو يخلدو على الدوام سيدي القاضي آش هدا عطاك الله السيادة وعلام العز والريادة وكرسي لحكام والقيادة علا شانك دارلو مقام مالك طامع فالزيادة علاش تخالف الشهادة تمشي في طريق لحرام خسارة يا القاضي خسارة دخلتي لسواق الشطارة غروك صحاب الشكارة عليتي على الناس لعوام ماعندك غير هاك وارا تشد الرشوة بلجهارة تطلق سراح الشفارة وتاكل من مال ليتام ميزانك مال يا القاضي حسبي الله في قضاك ماقلتي ذ الجلال حاضي مادرتي خوفو وراك كيف تريدو يكون راضي وانت غايس في خطاك لاقاضي إلا القاضي في يوم الهول العظيم يتنشر الكتاب ناضي وتتسعر نار الجحيم يسعد من للشرع حاضي ويشقى الظالم اللئيم تما نرجاك يا القاضي توجدني عندو خصيم |
رد: مساجلة ،زجلية،
القاضي حكم
قال كلمتو ما راعى ما حسم حكم بالباطل ما ندم هذا ظلم ف القضية ما حقق ما دقق قاري القانون بالمقلوب أدى القسم بالكذوب يتم هذا مكتوب نادى المظلوم بسميتو نطق وقال لو سير انا الله يهنيك أما المحكوم معاه جمع و طوى ف القضية ما حقق ما دقق ما نادى شهود باين على وجهة صاحب الرشاوي و الورود بالرحمة نطلبو الله علينا يجود ينصف كل مظلوم و يأخذ الحق ف القاضي المعلوم |
رد: مساجلة ،زجلية،
تناغم زجلي ، بأقلام رائعة
|
رد: مساجلة ،زجلية،
أردت تعديل بعض الكلمات
خانة التعديل لم تستجيب المرجو من المشريفين تعديل الله الكلمات: ما راعى ما حشم ياك هذا مكتوب سير انت باين على وجهو صاحب الرشاوي و الزرود |
رد: مساجلة ،زجلية،
شكرا لك أختي الفاضلة شذى الصنهاجي مرورك سيزيد مساجلتنا إلهاما وألقا
في انتظار تجاوب باقي الأحباء، لكم مني كل ألف تحية وسلام. |
رد: مساجلة ،زجلية،
أتمنى لكم الألق والتألق ومزيدا من العطاء وكل عام وأنتم بألف خير
|
رد: مساجلة ،زجلية،
سامحوني أول مرة أكتب بالسجع
@@@@@ يا ناس يا ناس إلحقوا أخوكم راه ينداس بين القضبان جرّوه والقاضي راه خنّاس يضرب المتهم بالفاس وعلاش الرجل مرمروه ؟ راه يبكي بين الحرّاس وضربوه بالزاف ع الراس انقظوا أخوكم يا ناس |
رد: مساجلة ،زجلية،
مشاركتك أبسطتني كثيرا أذيبنا غالب أحمد الغول
أتمنى أن لا تكون أول مرة تحياتي وتقديري. |
رد: مساجلة ،زجلية،
جَرّوني لَحْكامْ وَقْفوني جاتْ عيني فْعَيْن لْقاضي قْرَيتْ لو بلْسانها لََبْكَم رسالة فيها معنى سَرَدْتْ لو هْتوفْ تْحَبْكاتْ بمناوَلْ عَوْجة وُ نَجَّاتْ1 بْطَعْمة بالية توب ما وَتاني خَلْخَلْ قْياس الميزانْ و الميزان مَعْدَنْ تْقيلْ يُومْ الميعادْ تَتْفَرَّقْ لَحْقوق حَقَّقْ وُ تْدَبَّرْ يا لْقاضي بْقْواعَدْ الحقْ مَنْطَقْ حْكامَكْ وُ ديرْ يومْ لَحسابْ قُدَّامَكْ سَجَّلْ فْكْتابَكْ ما تْريدْ وابْني احْكامَكْ مَضِّي موسَكْ عْلى ضَهْري غامَرْ ولْمُغامَرة لْغامْ فْكُلْ جْنانْ تُرْبَة هْشيشَة تَخْوي بيكْ يُومْ لْعَرْضْ خَلِّيتْ مَرْكْبي فْرْصيفْ لْقاضي حَمْلو عْليهْ تجارْ لْبُهْتانْ سَلْعة ارْخيصة مْنيعَة عْلى بْياضْ وَجْهي تاجْرو فْبَراءْتي بْعُمْلة مَغْشوشة غْشَّاوْ لْحَقيقة بْسْوادْ سْلاحهُمْ دَبْحوني بْحْديدَة مْصَدْيَة2 سَكْـنوني فْحُفْرة ڭاَسْـيَة3 شَرْبَاتْ بْرودَتْها حَرارَة دَمِّي نَشْفَّاتْ جَلْدي وُ رَشّاتْ عْضامي مَنْ سوقْ الضْلامْ تْسَّـوْقو قُفة شوكْ مَزْقات لحمي تْوَسْعاتْ الدَّبْحة قَطْعاتْ صَبْري تْفَجَّرْ غَضَبي وُ مَنْ نَفْسْ لْسانْ عَيْني لَخْرَسْ فَرَّغْتْ سْلاحي بْغَمْزة ساخْرَة هَرْساتْ كْتافُو شْتَّاتْ انْتِباهُو بَلْبْلاتْ حْديتو وُ نَبْهاتْ غَفْلْتو مَلِّي4 ارْسَمْتْ لو فْلَهْوا بْمْدادْ صَبْعي الجَّافْ ميزانْ لْحَقْ وُ ارْفَعْتْ راسي لَسْما افْهَمْ اشارْتي الميمية احْنَى راسو عْلى وَرْقَةْ لَحْكامْ وانْطَقْ بْلْسان لْفُصْحى إلى جلسة أخرى ترفع القضية شرح الكلمات 1- نَجَّاتْ: نسجت 2- مْصَدْيَة: صدئة 3- ڭاَسْـيَة: شديدة البرودة 4- ملِّي: لما |
رد: مساجلة ،زجلية،
قاضي القضاة بعيدْ
بعيد بعيد بعيدْ وراء البحار يرعى الغنمْ وبعد سنين صار يرعي البشرْ حكم الدنيا وما فيها , لكن قراره بلا تفكير ويلعب مع الأطفالْ صغير وكبيرْ كان له صديق فاجرْ واسمه خنزير كافرْ أراد أنْ يرفع راسهُ ويعلّي شانهُ لكن بقراره تنبه الناسْ ورموه بالمطرقة والفاسْ , ورموا صديقه بالنارْ . رموه الأطفال بالحجارْ وجرجروه مثل الفارْ وكل الناس قالوا صديقه القاضي بلد الخنزير بقرارالقاضي انذلّ ومثل ما قال المثل (رماني بدائه وانسلّْ) |
رد: مساجلة ،زجلية،
شكرا لكم أحبتي على هذا التناغم الزجلي واعذروني لأني غبت هذه المدة عن هذا الصرح الممتع لكن غيابي كان له سبب قوي جدا ، والدتي أصبت بشلل نصفي بسبب ارتفاع الضعط وقد كانت في الإنعاش .
دعواتكم مع الوالدة، وشكرا . |
رد: مساجلة ،زجلية،
[align=justify]اللهم اشفها وشافها وعافها واعف عنها..ربنا اشفها فأنت الشافي.. سندعو لها بظهر الغيب بأن تشفى وتعود إليكم سالمة سليمة بإذن الله..[/align]
|
رد: مساجلة ،زجلية،
تمنياتنا لها بالشفاء العاجل إن شاء الله , ويجنبها الله من كل ألم ومرض , وأن تعود لصحتها سالمة , ...
|
رد: مساجلة ،زجلية،
الغالية الأستاذة فتيحة
وجّه الله إلى والدتك الفضلى وافد السلامة .. وأسبغ عليها أردية العافية وثوب الكفاية الوافية .. وحفظها لك .. اللهم آميين |
رد: مساجلة ،زجلية،
نسأل الله لها الشفاء العاجل ، شفاء لا يغادر سقما ، وأن يقر أعينكم بعافيتها ،
|
رد: مساجلة ،زجلية،
يعين دامعة قرأت أدعيتكم ، حفظكم الله أحبتي في نور الأدب.
ما زالت والدتي تعاني مرارة الألم أتمنى يخفف عنها الألم بدعائكم إن شاء الله تعالى. |
رد: مساجلة ،زجلية،
سلام الله عليك اختي فتيحة
اتمنى لوالدتك الشفاء العاجل ان شاء الله كما ادعو لكل فرد واقف على رأس مريض الصبر و النفس الطويل لأن هذا المرض أصاب والدي منذ سنتين مما جعلني اغيب لفترات طويلة عن نور الادب لاننا كنت لا نرى النوم بالليل كما النهار اتمنى من الله ان يمن على والدتك بالشفاء و على كل مرضى المسلمين |
| الساعة الآن 40 : 05 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية